ەكسپورتقا باعىتتالعان وسى كاسىپورىننىڭ اشىلۋىنىڭ ناتيجەسىندە وڭىرگە 2،9 ملرد. ينۆەستيسيا تارتىلىپ، 80 جاڭا جۇمىس ورنى قۇرىلدى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
ەت كومبيناتىنىڭ سالتاناتتى اشىلۋىنا الماتى وبلىسىنىڭ اكىمى اماندىق باتالوۆ، ق ر اۋىل شارۋاشىلىعى ءمينيسترى ساپارحان وماروۆ، يران يسلام رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مادجيد سامادزادە سابەر جانە وزگە دە رەسمي وكىلدەر قاتىستى.
كاسىپورىن جىلىنا 8 مىڭ توننا ەت ءونىمىن شىعارۋعا قاۋقارلى. 12 مىڭ بانكاعا ارنالعان كونسەرۆىلىك جەلىسى، 14 توننالىق قان جانە سۇيەك ۇنى زاۋىتى بار. ەت كومبيناتى بازاسىندا 80 جۇمىس ورنى اشىلعان، جوباعا 2،9 ملرد.تەڭگە ينۆەستيسيا تارتىلعان.
ەت كومبيناتىنىڭ اشىلۋىندا وبلىس اكىمى اماندىق باتالوۆ كوپشىلىكتى كاسىپورىننىڭ اشىلۋىمەن قۇتتىقتاپ:
«رەسپۋبليكادا اۋىل شارۋاشىلىعىنىڭ جالپى ءونىمىنىڭ 20 پروسەنتىن الماتى وبلىسى وندىرەدى. وڭىردە 1 ميلليوننان استام باس ءىرى قارا جانە 4 ميلليوننان استام باس ۇساق مال بار. سوندىقتان ەتتى تەرەڭنەن وڭدەۋ جانە زاماناۋي تەحنولوگيالاردى قولدانا وتىرىپ، ەكسپورتقا باعىتتالعان ءونىم ءوندىرۋ – باسىم باعىتتاردىڭ ءبىرى.
وسىعان وري كونستيتۋسيا كۇنى اياسىندا ەت كومبيناتىنىڭ ىسكە قوسىلۋى، اتاپ ايتقاندا جاڭا جۇمىس ورىندارىنىڭ اشىلۋى، ينۆەستيسيانىڭ تارتىلۋى، «قازاقستاندا جاسالعان» بەلگىسىمەن ساپالى ءونىم شىعارۋ – ءبىز ءۇشىن زور قۋانىش. وسىنىڭ ءبارى – جۇرگىزىلىپ وتىرعان مەملەكەتتىك ساياساتتىڭ جەمىسى. ينۆەستورلارعا، وسى جوبانى ىسكە اسىرۋعا اتسالىسقان بارلىعىڭىزعا العىس ايتامىن، - دەدى ا.باتالوۆ.
«بارشاڭىزدى وڭىردەگى ءىرى كاسىپورىننىڭ اشىلۋىمەن قۇتتىقتايمىن. «100 ناقتى قادام» ۇلت جوسپارىندا ەلباسى ەت وڭدەۋ سالاسىنا ينۆەستيسيا تارتۋ تۋرالى تاپسىرما بەرگەن بولاتىن. بۇگىن ءبىز سول تاپسىرمانىڭ ورىندالۋىنىڭ ناقتى ناتيجەسىن كورىپ وتىرمىز.
جالپى الماتى وبلىسىندا اۋىل شارۋاشىلىعى بارلىق باعىتتا قارقىندى دامىپ كەلەدى. جىل سايىن قانت قىزىلشاسىنىڭ القابى ۇلعايتىلىپ، بۇرىن توقتاپ قالعان قانت زاۋىتتارى قايتا ىسكە قوسىلدى. ب ا ق ءوسىرۋ دە قولعا الىنعان. ءوڭىر رەسپۋبليكادا مال باسى سانى جاعىنان الدىڭعى ورىندا. ەندىگى مىندەت - وڭدەۋ ءىسىن جانداندىرۋ»، - دەپ اتاپ ءوتتى اۋىل شارۋاشىلىعى ءمينيسترى س.وماروۆ.
يران يسلام رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مادجيد سامادزادە سابەر دە ءسوز الىپ، ەكى ەل اراسىنداعى ىسكەرلىك بايلانىس، ءوزارا ىنتىماقتاستىق بۇدان ءارى دە جالعاسا بەرەتىنىنە سەنىم ءبىلدىردى.
ءوز كەزەگىندە «يمپەريا فۋد» ج ش س ديرەكتورى دجاۆيدان ارمان دجاۆاد ءوندىرىستى ىسكە قوسۋدىڭ بارلىق كەزەڭدەرىندە مەملەكەت تاراپىنان كورسەتىلگەن قولداۋلارعا ريزاشىلىعىن ءبىلدىردى. سول سياقتى جەرگىلىكتى بيۋدجەت ەسەبىنەن جۇرگىزىلگەن ينفراقۇرىلىممەن قامتاماسىز ەتۋ جۇمىستارى ءۇشىن وبلىس باسشىلىعىنا دا العىس ايتتى.
جاڭا نىساننىڭ لەنتاسى قيىلعاننان كەيىن شاراعا قاتىسۋشىلار مەن قوناقتار ەت كومبيناتىن ارالاپ كورىپ، مال سويۋ، بولشەكتەۋ، وراۋ سەحتارىندا بولدى.
كاسىپورىن باسشىسىنىڭ ايتۋىنشا، جىل باسىنان بەرى ونەركاسىپ ءونىمىنىڭ كولەمى 332 توننا ەت ءونىمىن كۇراعان. 73 توننا ەت يران مەن باحرەينگە ەكسپورتتالعان، جىل سوڭىنا دەيىن تاعى 640 توننا ءونىم ەكسپورتتاۋ جوسپارلانىپ وتىر.
اتاپ وتسەك، الماتى وبلىسىنداعى قولايلى ينۆەستيسيالىق كليماتتىڭ ارقاسىندا وڭىردە جالپى ينۆەستيسيا كولەمى 1 ترلن. تەڭگە بولاتىن 38 جوبا جۇزەگە اسىرىلۋدا.
