Eksportqa baǵyttalǵan osy kásiporynnyń ashylýynyń nátijesinde óńirge 2,9 mlrd. investitsiia tartylyp, 80 jańa jumys orny quryldy, - dep habarlaidy Almaty oblysy ákiminiń baspasóz qyzmeti.
Et kombinatynyń saltanatty ashylýyna Almaty oblysynyń ákimi Amandyq Batalov, QR Aýyl sharýashylyǵy ministri Saparhan Omarov, Iran Islam Respýblikasynyń Qazaqstandaǵy tótenshe jáne ókiletti elshisi Madjid Samadzade Saber jáne ózge de resmi ókilder qatysty.
Kásiporyn jylyna 8 myń tonna et ónimin shyǵarýǵa qaýqarly. 12 myń bankaǵa arnalǵan konservilik jelisi, 14 tonnalyq qan jáne súiek uny zaýyty bar. Et kombinaty bazasynda 80 jumys orny ashylǵan, jobaǵa 2,9 mlrd.teńge investitsiia tartylǵan.
Et kombinatynyń ashylýynda oblys ákimi Amandyq Batalov kópshilikti kásiporynnyń ashylýymen quttyqtap:
«Respýblikada aýyl sharýashylyǵynyń jalpy óniminiń 20 protsentin Almaty oblysy óndiredi. Óńirde 1 millionnan astam bas iri qara jáne 4 millionnan astam bas usaq mal bar. Sondyqtan etti tereńnen óńdeý jáne zamanaýi tehnologiialardy qoldana otyryp, eksportqa baǵyttalǵan ónim óndirý – basym baǵyttardyń biri.
Osyǵan ori Konstitýtsiia kúni aiasynda et kombinatynyń iske qosylýy, atap aitqanda jańa jumys oryndarynyń ashylýy, investitsiianyń tartylýy, «Qazaqstanda jasalǵan» belgisimen sapaly ónim shyǵarý – biz úshin zor qýanysh. Osynyń bári – júrgizilip otyrǵan memlekettik saiasattyń jemisi. Investorlarǵa, osy jobany iske asyrýǵa atsalysqan barlyǵyńyzǵa alǵys aitamyn, - dedi A.Batalov.
«Barshańyzdy óńirdegi iri kásiporynnyń ashylýymen quttyqtaimyn. «100 naqty qadam» Ult josparynda Elbasy et óńdeý salasyna investitsiia tartý týraly tapsyrma bergen bolatyn. Búgin biz sol tapsyrmanyń oryndalýynyń naqty nátijesin kórip otyrmyz.
Jalpy Almaty oblysynda aýyl sharýashylyǵy barlyq baǵytta qarqyndy damyp keledi. Jyl saiyn qant qyzylshasynyń alqaby ulǵaitylyp, buryn toqtap qalǵan qant zaýyttary qaita iske qosyldy. Baq ósirý de qolǵa alynǵan. Óńir respýblikada mal basy sany jaǵynan aldyńǵy orynda. Endigi mindet - óńdeý isin jandandyrý», - dep atap ótti Aýyl sharýashylyǵy ministri S.Omarov.
Iran Islam Respýblikasynyń Qazaqstandaǵy tótenshe jáne ókiletti elshisi Madjid Samadzade Saber de sóz alyp, eki el arasyndaǵy iskerlik bailanys, ózara yntymaqtastyq budan ári de jalǵasa beretinine senim bildirdi.
Óz kezeginde «Imperiia Fýd» JShS direktory Djavidan Arman Djavad óndiristi iske qosýdyń barlyq kezeńderinde memleket tarapynan kórsetilgen qoldaýlarǵa rizashylyǵyn bildirdi. Sol siiaqty jergilikti biýdjet esebinen júrgizilgen infraqurylymmen qamtamasyz etý jumystary úshin oblys basshylyǵyna da alǵys aitty.
Jańa nysannyń lentasy qiylǵannan keiin sharaǵa qatysýshylar men qonaqtar et kombinatyn aralap kórip, mal soiý, bólshekteý, oraý tsehtarynda boldy.
Kásiporyn basshysynyń aitýynsha, jyl basynan beri ónerkásip óniminiń kólemi 332 tonna et ónimin kuraǵan. 73 tonna et Iran men Bahreinge eksporttalǵan, jyl sońyna deiin taǵy 640 tonna ónim eksporttaý josparlanyp otyr.
Atap ótsek, Almaty oblysyndaǵy qolaily investitsiialyq klimattyń arqasynda óńirde jalpy investitsiia kólemi 1 trln. teńge bolatyn 38 joba júzege asyrylýda.
