قازاقستان رەسپۋبليكاسىنىڭ دەنساۋلىق ساقتاۋ ءمينيسترى 2025 جىلعى 12 قىركۇيەكتەگى بۇيرىعىمەن ەل حالقىن سۋردولوگيالىق كومەكپەن قامتاماسىز ەتۋ قاعيدالارىنا وزگەرىستەر ەنگىزدى، دەپ حابارلايدى Dalanews.kz.

ەستۋ فۋنكسياسىنىڭ بۇزىلۋىن وتەيتىن مەديسينالىق بۇيىمدارمەن قامتاماسىز ەتۋ جانە ولاردى اۋىستىرۋ جۇمىستارى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 30 ماۋسىمداعى №287 بۇيرىعىمەن بەكىتىلگەن «مۇگەدەكتىگى بار ادامداردى پروتەزدىك-ورتوپەديالىق كومەكپەن، تەحنيكالىق كومەكشى (كومپەنساتورلىق) جانە مۇگەدەكتىگى بار ادامنىڭ جەكە وڭالتۋ جانە ابيليتاسيا باعدارلاماسىنا سايكەس ولاردى اۋىستىرۋ مەرزىمدەرىن رەتتەيتىن تالاپتارعا ساي جۇزەگە اسىرىلادى.

سونداي-اق بۇل ءىس-شارالار 2023 جىلعى 30 ماۋسىمداعى №284 بۇيرىقپەن بەكىتىلگەن «مۇگەدەكتىگى بار ادامدارعا ۇسىنىلاتىن تەحنيكالىق كومەكشى (كومپەنساتورلىق) قۇرالداردىڭ، ارنايى قوزعالىس قۇرالدارىنىڭ جانە قىزمەتتەردىڭ جىكتەۋىشىنە» سايكەس جۇرگىزىلەدى.

مەديسينالىق كورسەتكىشتەر بويىنشا مۇگەدەكتىگى جوق ازاماتتاردى ەستۋ پروتەزىمەن قامتاماسىز ەتۋ تۋرالى شەشىم جەرگىلىكتى وكىلدى ورگانداردىڭ شەشىمى نەگىزىندە قابىلدانادى.

وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى مەملەكەتتىك دەنساۋلىق ساقتاۋ ورگاندارى ءوز وكىلەتتىگى شەڭبەرىندە.

مەديسينالىق كورسەتكىشتەر بويىنشا مۇگەدەكتىگى جوق ازاماتتاردى ەستۋ پروتەزىمەن   قامتاماسىز ەتۋ ءۇشىن مەديسينالىق بۇيىمداردى ساتىپ الۋدى جۇزەگە اسىرادى.

ەستۋ فۋنكسياسىنىڭ 1،2،3 نەمەسە 4 دارەجەلى سوزىلمالى (قايتىمسىز) بۇزىلىسى بار، ءبىراق مۇگەدەكتىك مارتەبەسى جوق تۇلعالاردى مەديسينالىق بۇيىمدارمەن قامتاماسىز ەتۋ جانە ولاردى اۋىستىرۋ جۇمىستارى جەرگىلىكتى بيۋدجەت قاراجاتى ەسەبىنەن جۇرگىزىلەدى.

قاعيدالاردا ەستۋ پروتەزى (ەستۋ اپپاراتى) ارقىلى قامتاماسىز ەتۋ وتورينولارينگولوگ (سۋردولوگ) دارىگەرىنىڭ قورىتىندىسى نەگىزىندە جۇرگىزىلەتىن اۋديولوگيالىق تەكسەرۋدەن كەيىن عانا جۇزەگە اسىرىلاتىنى كورسەتىلگەن.

سونداي-اق ەنگىزىلگەن وزگەرىستەرگە سايكەس، باستاپقى مەديسينالىق-سانيتاريالىق كومەك (بمسك) ۇيىمدارىندا جىل سايىن ءۇش جاسقا دەيىنگى ( قوسا العاندا) جاس بالالارعا ارنالعان امبەباپ اۋديولوگيالىق سكرينينگ جۇرگىزۋ بەلگىلەنگەن.

سكرينينگ وتواكۋستيكالىق ەميسسيانى تىركەۋ جانە قىسقالاتەنتتى ەستۋ جاۋاپ پوتەنسيالدارىن انىقتاۋ ادىستەرى ارقىلى جۇزەگە اسىرىلادى.

اتالعان بۇيرىق 2025 جىلعى 28 قىركۇيەكتەن باستاپ كۇشىنە ەنەدى.                                                                                                              

اۆتورى: اسەل قايرات قىزى