25 تامىزدان باستاپ قازاقستاندا ەلەكتروساموكات جٷرگٸزۋشٸلەرٸنە قاتىستى جاڭا تالاپتار كٷشٸنە ەندٸ. ەندٸ ساموكاتپەن تروتۋارلار مەن جاياۋ جٷرگٸنشٸلەر جولىمەن جٷرۋگە تىيىم سالىنادى. بۇل تۋرالى الماتى قالاسىنىڭ پوليتسييا دەپارتامەنتٸ مەلٸمدەدٸ, دەپ حابارلايدى dalanews.kz.
جاڭا تالاپ بويىنشا ەلەكتروساموكاتپەن ۆەلوسيپەد جولدارى مەن ۆەلوسيپەد جولاعىمەن جٷرۋگە بولادى. مۇنداي جولدار بولماعان جاعدايدا جولدىڭ وڭ جاق شەتٸمەن قوزعالۋعا رۇقسات ەتٸلەدٸ.
الايدا كٶلٸك جٷرەتٸن جولعا ەلەكتروساموكاتپەن تەك 18 جاستان اسقان ازاماتتار عانا شىعا الادى. سونىمەن قاتار ولاردىڭ كەز كەلگەن ساناتتاعى جٷرگٸزۋشٸ كۋەلٸگٸ بولۋى جەنە قورعانىس شلەمٸن كييۋٸ مٸندەتتٸ. قاراڭعى ۋاقىتتا كيٸمدە نەمەسە ساموكاتتا جارىق شاعىلىستىراتىن ەلەمەنتتەر بولۋى قاجەت.
ەلەكتروساموكاتپەن جولاۋشى نەمەسە جٷك تاسىمالداۋعا دا تىيىم سالىنعان. ياعني بٸر ساموكاتقا ەكٸ نەمەسە ودان دا كٶپ ادامنىڭ مٸنۋٸنە بولمايدى.
جاياۋ جٷرگٸنشٸلەر ٶتكەلٸنەن ٶتۋ تەرتٸبٸ دە قاتاڭداتىلدى. ساموكات جٷرگٸزۋشٸسٸ ٶتكەلگە كەلگەندە كٶلٸكتەن تٷسٸپ, ونى جاياۋ جەتەكتەپ ٶتۋگە تيٸس.
جاڭا تالاپتار جالعا بەرٸلەتٸن ەلەكتروساموكاتتارعا دا قاتىستى. كيكشەرينگ كومپانييالارى ساموكاتتارىنا تٸركەۋ نٶمٸرٸن ورناتىپ, ساقتاندىرۋ رەسٸمدەۋٸ كەرەك. سونداي-اق ولاردىڭ جىلدامدىعى مەن جٷرگەن جەرٸن اۆتوماتتى تٷردە باقىلاۋ قاراستىرىلعان. جالعا الىنعان ساموكاتپەن جاسالعان جول ەرەجەسٸن بۇزۋ دەرەكتەرٸن «سەرگەك» كامەرالارى تٸركەي الادى.
ال جەكە ەلەكتروساموكات يەلەرٸنە ساموكاتىنا مەملەكەتتٸك نٶمٸر الۋ نەمەسە ساقتاندىرۋ رەسٸمدەۋ مٸندەتتەلمەيدٸ. دەگەنمەن ولارعا دا تروتۋارمەن جٷرمەۋ, جولعا شىققاندا 18 جاستان اسقان بولۋ, جٷرگٸزۋشٸ كۋەلٸگٸن الىپ جٷرۋ جەنە شلەم كييۋ تالاپتارى قولدانىلادى.
ەرەجە بۇزعاندارعا ايىپپۇل قاراستىرىلعان. 2026 جىلى بٸر ايلىق ەسەپتٸك كٶرسەتكٸش 4 325 تەڭگەنٸ قۇرايدى. تروتۋارمەن جٷرۋ, جاياۋ جٷرگٸنشٸلەر ٶتكەلٸنەن ساموكاتتان تٷسپەي ٶتۋ, جولدا شلەمسٸز نەمەسە جٷرگٸزۋشٸ كۋەلٸگٸنسٸز جٷرۋ, سونداي-اق جولاۋشى نە جٷك تاسىمالداۋ ٷشٸن 2 اەك, ياعني 8 650 تەڭگە ايىپپۇل سالىنۋى مٷمكٸن.
بٸر جىل ٸشٸندە جول قوزعالىسى ەرەجەسٸن قايتالاپ بۇزعان جاعدايدا ايىپپۇل 10 اەك-كە, ياعني 43 250 تەڭگەگە دەيٸن ٶسەدٸ. ادام زارداپ شەككەن نەمەسە ماتەريالدىق شىعىن كەلگەن جول-كٶلٸك وقيعاسى ٷشٸن دە 10 اەك كٶلەمٸندە جاۋاپكەرشٸلٸك قاراستىرىلعان. مۇنداي جاعداي بٸر جىل ٸشٸندە قايتالانسا, 20 اەك نەمەسە 86 500 تەڭگە ايىپپۇل سالىنۋى مٷمكٸن. سونداي-اق زاڭنامادا ٷش تەۋلٸككە دەيٸن قاماۋعا الۋ نەمەسە 12 ساعات قوعامدىق جۇمىسقا تارتۋ جازاسى قاراستىرىلعان.
