27 مامىر كۇنى استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن 12 قازاقستاندىق ازاماتقا قاتىستى ۇكىم زاڭدى كۇشىنە ەندى. ولار دىني-ەكسترەميستىك ۇيىمنىڭ قىزمەتىن ۇيىمداستىردى جانە ونىڭ جۇمىسىنا بەلسەندى قاتىستى دەپ تانىلىپ، 9 جىلدان 18 جىلعا دەيىنگى مەرزىمگە باس بوستاندىعىنان ايىرىلدى، دەپ حابارلايدى Dalanews.kz.
تەرگەۋ بارىسىندا اتالعان تۇلعالاردىڭ قازاقستان اۋماعىندا ەكسترەميستىك جانە تەرروريستىك يدەولوگيانى ناسيحاتتاعانى، ءدىني الاۋىزدىقتى قوزدىرعانى جانە ءوز قاتارلارىنا جاڭا جاقتاستاردى تارتۋمەن اينالىسقانى انىقتالعان.
سوتتالعانداردىڭ باسىم بولىگى بۇرىن دا اۋىر قىلمىستارى ءۇشىن ءىستى بولعان. ولاردىڭ كەيبىرى پوليسيا قىزمەتكەرىن ءولتىرۋ، قاراقشىلىق شابۋىل جاساۋ، توناۋ، ادام ۇرلاۋ جانە ەسىرتكى قۇرالدارىن زاڭسىز اينالىمعا ەنگىزۋ سەكىلدى قىلمىستارعا قاتىسقان.
اتالعان ۇكىم – قوعام قاۋىپسىزدىگى مەن زايىرلى مەملەكەتتىك قۇرىلىمعا تونگەن قاتەرلەرگە قارسى مەملەكەت تاراپىنان جاسالعان كەزەكتى قاتاڭ جاۋاپ بولىپ وتىر.
