27 mamyr kúni Astana qalasynyń qylmystyq ister jónindegi mamandandyrylǵan aýdanaralyq sotynyń úkimimen 12 qazaqstandyq azamatqa qatysty úkim zańdy kúshine endi. Olar dini-ekstremistik uiymnyń qyzmetin uiymdastyrdy jáne onyń jumysyna belsendi qatysty dep tanylyp, 9 jyldan 18 jylǵa deiingi merzimge bas bostandyǵynan aiyryldy, dep habarlaidy Dalanews.kz.
Tergeý barysynda atalǵan tulǵalardyń Qazaqstan aýmaǵynda ekstremistik jáne terroristik ideologiiany nasihattaǵany, dini alaýyzdyqty qozdyrǵany jáne óz qatarlaryna jańa jaqtastardy tartýmen ainalysqany anyqtalǵan.
Sottalǵandardyń basym bóligi buryn da aýyr qylmystary úshin isti bolǵan. Olardyń keibiri politsiia qyzmetkerin óltirý, qaraqshylyq shabýyl jasaý, tonaý, adam urlaý jáne esirtki quraldaryn zańsyz ainalymǵa engizý sekildi qylmystarǵa qatysqan.
Atalǵan úkim – qoǵam qaýipsizdigi men zaiyrly memlekettik qurylymǵa tóngen qaterlerge qarsy memleket tarapynan jasalǵan kezekti qatań jaýap bolyp otyr.
