2024 جىلعى قىركۇيەكتە الدا كۇتىلەتىن ىقتيمال ينفلياسيالىق كورسەتكىش تامىزداعى 13،1%-بەن سالىستىرعاندا 14،1%-عا دەيىن ءوستى، دەپ حابارلايدى Dalanews.kz.
بۇل سيفر ق ر ۇلتتىق بانكى جۇرگىزگەن ساۋالناماسىندا كەلتىرىلەدى. بۇل رەتتە ەلىمىزدە تامىزداعى ينفلياسيا 8،4%-دى قۇراعانىن ەسكە سالا كەتەلىك (شىلدەدە - 8،6%).
ساۋالناماعا سايكەس، تاۋارلار مەن قىزمەتتەردىڭ باعاسى "قاتتى ءوستى" دەپ سانايتىن ازاماتتاردىڭ ۇلەسى تومەندەگەن. جىل باسىندا بۇل كورسەتكىش 40،6%-دى قۇراسا، بۇگىن - 29%. قازاقستاندا كۇتىلگەن ينفلياسيانىڭ ەڭ جوعارعى كورسەتكىشى (67%) ۋكراينادا اسكەري ءىس-قيمىلدار باستالعان 2022 جىلدىڭ كوكتەمىندە تىركەلدى.
ەگەر ق ر ۇب ساۋالناما ناتيجەسىن ەگجەي-تەگجەيلى قاراستىراتىن بولساق، وندا ازىق-تۇلىك باعاسىنىڭ وسكەنىن ايتقان رەسپوندەنتتەردىڭ ۇلەسى باسىم ەكەنىن بايقاۋعا بولادى (66،9% - قىركۇيەكتە، 66،2% - تامىزدا).
تۇتىنۋشىلار مەن ساتۋشىلار، ەڭ الدىمەن، ەت پەن ءسۇت، جەمىستەر مەن كوكونىستەر، دارى-دارمەكتەر، تۇرمىستىق حيميا باعاسىنىڭ وسكەنىن اتاپ وتكەن. سونداي-اق، تكش مەن مەديسينالىق قىزمەتتەر باعاسىنىڭ ءوسۋى دە قاراشانى الاڭداتادى.
الداعى 12 ايدا ازاماتتاردىڭ 52،9%-ى باعانىڭ وسەدى دەپ ەسەپتەيدى. ۇلتتىق بانك ساۋالعا تارتقان ەل ازاماتتارىنىڭ 0،8%-ى عانا ينفلياسيا تومەندەيدى دەپ سەنەدى.
قازاقستاندا ينفلياسيانى تۋدىراتىن سەبەپتەر رەتىندە ازاماتتار مىنالاردى اتادى:
- دۇكەن سورەلەرىندەگى ازىق-تۇلىك باعاسى - 66،1%؛
- جانار-جاعارماي مەن ديزەل وتىنىنىڭ باعاسى -33،8%؛
- دوللاردىڭ قىمباتتاۋى -34%؛
- جالاقى مەن زەينەتاقىنىڭ ءوسۋى-28%.
قازاقستان بويىنشا ساۋالناماعا ەلىمىزدىڭ بارلىق وبلىس ورتالىقتارىنان، سونداي-اق استانا، الماتى، شىمكەنت قالالارىنان (18 جاستان جوعارى) 1500 رەسپوندەنت قاتىسقان.
