قازاقستان ٷكٸمەتٸ مەملەكەتتٸك بيۋدجەتتەن قوسىمشا قاراجات بٶلۋ تەرتٸبٸن كٷشەيتتٸ. ەندٸ مەملەكەتتٸك ورگانداردىڭ جوسپاردان تىس قارجىلاندىرۋدى ەل باسشىلىعىنان تٸكەلەي سۇراۋىنا تىيىم سالىنادى, دەپ حابارلايدى dalanews.kz.
جاڭا تالاپتارعا سەيكەس, بيۋدجەتتەن قوسىمشا قاراجات سۇراۋ ناقتى مەرزٸمدەرمەن شەكتەلەدٸ.
اتاپ ايتقاندا, كەلەسٸ جىلعا ارنالعان بيۋدجەت ٶتٸنٸمدەرٸ جىل سايىن 20 ماۋسىمنان كەشٸكتٸرٸلمەي ۇسىنىلۋى تيٸس. ال اعىمداعى جىلعا قوسىمشا قارجى قاجەت بولعان جاعدايدا ٶتٸنٸمدەر بيۋدجەتتٸ جوسپارلى ناقتىلاۋ رەسٸمٸ اياقتالعاننان كەيٸن بەس كٷن ٸشٸندە بەرٸلۋٸ كەرەك.
سونداي-اق ەربٸر باستاما بويىنشا جان-جاقتى قارجىلىق ەسەپتەۋلەر دايىندالىپ, ولار مٸندەتتٸ تٷردە قارجى مينيسترلٸگٸ مەن ۇلتتىق ەكونوميكا مينيسترلٸگٸمەن الدىن الا كەلٸسٸلمەك. ٷكٸمەتتٸڭ بۇل قادامى مەملەكەتتٸك شىعىنداردى باقىلاۋدى كٷشەيتۋگە, بيۋدجەتتٸك تەرتٸپتٸ ساقتاۋعا جەنە جوسپاردان تىس شىعىستاردىڭ ٶسۋٸنە جول بەرمەۋگە باعىتتالعان.
