قازاقستاندا بەت-الپەتىن تۇمشالاپ جۇرەتىندەرگە ايىپپۇل سالىنۋى مۇمكىن، دەپ حابارلايدى Dalanews.kz.
دەپۋتات ماگەررام ماگەرراموۆتىڭ ايتۋىنشا، بەت-جۇزدى تولىق نەمەسە جارتىلاي جاۋىپ، ادامنىڭ تۇلعاسىن انىقتاۋعا كەدەرگى كەلتىرەتىن كيىمدەرگە قاتىستى اكىمشىلىك شارالار ەنگىزىلەدى.
العاش رەت انىقتالعان جاعدايدا ازاماتقا ەسكەرتۋ جاسالادى.
"قوعامدىق ورىنداردا ادامنىڭ ءجۇزىن تانىپ-بىلۋگە مۇمكىندىك بەرمەيتىن كيىم ۇلگىلەرىنە تىيىم ەنگىزىلدى. العاشقى زاڭبۇزۋشىلىق ءۇشىن ەسكەرتۋ بەرىلەدى، ال قايتالانسا 10 اەك مولشەرىندە ايىپپۇل سالىنادى (2025 جىلى 39 320 تەڭگە)"، - دەدى دەپۋتات.
الايدا زاڭ قاشان كۇشىنە ەنەتىنى بەلگىسىز.
