جىل باسىنان بەرٸ قازاقستاندا تۇرعىن ٷيدٸ ساتىپ الۋ-ساتۋ قارقىنى تٶمەندەپ كەتكەن. بىلتىرعى كٶرسەتكٸشپەن سالىستىرعاندا تەك ناۋرىز بەن شٸلدەدە ٶسٸم تٸركەلگەن, ال كەيٸن ساتىلىم قايتا ازايعان, دەپ حابارلايدى dalanews.kz.
ۇلتتىق ستاتيستيكا بيۋروسى قىركٷيەكتەگٸ تۇرعىن ٷيدٸ ساتىپ الۋ-ساتۋ مەمٸلەلەرٸنٸڭ سانى تۋرالى جاڭا دەرەك جارييالادى. مەلٸمەتكە قاراعاندا, باسپانا ساۋداسى ودان ەرٸ بەسەڭدەگەن.
2026 جىلعى قىركٷيەكتە تۇرعىن ٷيدٸ ساتىپ الۋ-ساتۋ بويىنشا تٸركەلگەن مەمٸلەلەر سانى 35 406 بولدى. 2026 جىلعى تامىزبەن سالىستىرعاندا (35 807) مەمٸلەلەر سانى 1,1 پايىزعا ازايعان.
قىركٷيەكتە تۇرعىن ٷي ەڭ كٶپ ساتىلعان ٶڭٸرلەر:
- الماتىدا 7 248 مەمٸلە نەمەسە جالپى كٶلەمنٸڭ 20,5 پايىزى;
- استانادا 6 119 مەمٸلە نەمەسە جالپى كٶلەمنٸڭ 17,3 پايىزى;
- قاراعاندى وبلىسىندا 2 540 مەمٸلە نەمەسە جالپى كٶلەمنٸڭ 7,2 پايىزى.
ال ەڭ از ساتىلىم ۇلىتاۋ وبلىسىندا تٸركەلگەن. مۇندا بار بولعانى 280 مەمٸلە جاسالعان. بۇل جالپى كٶرسەتكٸشتٸڭ 0,8 پايىزىنا تەڭ.
قىركٷيەكتە ساتىلعان تۇرعىن ٷيلەردٸڭ 76,5 پايىزى پەتەرلەرگە تيەسٸلٸ. بٸر ايدا 27 096 پەتەر بويىنشا مەمٸلە جاسالعان. بۇل تامىزبەن سالىستىرعاندا 623 مەمٸلەگە از. پەتەر ساۋداسى نەگٸزٸنەن الماتى, استانا قالالارىندا جەنە قاراعاندى وبلىسىندا جاقسى جٷرگەن. ساتىپ الۋشىلار اراسىندا بٸر بٶلمەلٸ پەتەرلەرگە سۇرانىس جوعارى: مۇنداي باسپانالار بويىنشا 10 434 مەمٸلە تٸركەلگەن.
ال جەكە ٷيلەر بويىنشا قىركٷيەكتە 8 310 مەمٸلە جاسالعان. بۇل تامىزداعى كٶرسەتكٸشتەن 222 مەمٸلەگە كٶپ. اقتٶبە, تٷركٸستان جەنە شىعىس قازاقستان وبلىستارىندا ٶسٸم بايقالسا, قاراعاندى, پاۆلودار, ۇلىتاۋ وبلىستارىندا ساتىلىم تٶمەندەگەن.
