قازاقستاندا بانكتەر, ميكروقارجى ۇيىمدارى جەنە باسقا دا قارجى نارىعىنىڭ ٶكٸلدەرٸ ٶز ٶنٸمدەرٸنٸڭ باعاسىن قۇجات جٷزٸندە نەگٸزدەۋگە مٸندەتتەلمەك. ولار نەسيە نەمەسە ٶزگە قىزمەت بويىنشا كليەنت تٶلەيتٸن جالپى شىعىننىڭ ۇسىنىلاتىن پايداعا قانشالىقتى ساي كەلەتٸنٸن باعالاۋى قاجەت, دەپ حابارلايدى dalanews.kz.
Finratings.kz مەلٸمەتٸنشە, جاڭا تالاپتار قارجى نارىعىن رەتتەۋ جەنە دامىتۋ اگەنتتٸگٸنٸڭ قاۋلىسىندا بەكٸتٸلگەن. قۇجات بانكتەرگە, ميكروقارجى جەنە ساقتاندىرۋ ۇيىمدارىنا, سونداي-اق بروكەرلەرگە قاتىستى قولدانىلادى. ەرەجە بەكٸتٸلگەن تٸزٸمگە كٸرەتٸن جەنە قۇرىلىمى كٷردەلٸ قارجى ٶنٸمدەرٸن قامتيدى.
قارجى ۇيىمدارى ٶنٸمنٸڭ ەدٸل قۇنىن تەك ونى ەزٸرلەۋ كەزٸندە عانا ەمەس, بٷكٸل قولدانىس مەرزٸمٸ بويى باقىلاپ وتىرۋعا تيٸس. باعالاۋ بارىسىندا پايىزدىق مٶلشەرلەمە, كوميسسييالار مەن تاريفتەردەن بٶلەك, ساقتاندىرۋ, اقىلى قوسىمشا قىزمەتتەر جەنە كليەنت تٶلەيتٸن ٶزگە دە تٶلەمدەر ەسەپكە الىنادى.
سونىمەن قاتار ۇيىمنىڭ ٶنٸمدٸ ۇسىنۋعا جۇمساعان شىعىنى, كليەنت الاتىن پايدا جەنە نارىقتاعى ۇقساس ۇسىنىستاردىڭ تالاپتارى سالىستىرىلادى. ياعني بانككە نەسيە بويىنشا تەك پايىزدىق مٶلشەرلەمەنٸ كٶرسەتۋ جەتكٸلٸكسٸز بولادى. قارىز الۋشىنىڭ نەسيەنٸ رەسٸمدەۋ جەنە پايدالانۋ كەزٸندە جۇمسايتىن بارلىق شىعىنى ەسكەرٸلۋگە تيٸس.
"باعالاۋ نەتيجەلەرٸ باسقارۋشىلىق ەسەپكە ەنگٸزٸلٸپ, قارجى ۇيىمىنىڭ ۋەكٸلەتتٸ القالى ورگانى قارايدى. كەيٸنگٸ باقىلاۋ كەزٸندە ٶنٸم باعاسىنىڭ بەلگٸلەنگەن تالاپتارعا سەيكەس كەلمەيتٸنٸ انىقتالسا, ۇيىم تٶلەمدەردٸڭ قۇرىلىمىن ٶزگەرتە نەمەسە قوسىمشا قىزمەتتەردٸڭ قۇنىن قايتا قاراي الادى", - دەلٸنگەن قۇجاتتا.
الايدا جاڭا تالاپتار نەسيە مٶلشەرلەمەسٸ, كوميسسييا نەمەسە ساقتاندىرۋ قۇنى مٸندەتتٸ تٷردە تٶمەندەيدٸ دەگەندٸ بٸلدٸرمەيدٸ. اگەنتتٸك بارلىق قارجى ۇيىمىنا ورتاق بٸرىڭعاي "ەدٸل باعا" بەلگٸلەمەيدٸ.
دەگەنمەن بانكتەر مەن ٶزگە دە ۇيىمدار ەر ٶنٸمنٸڭ قۇنى نەدەن قۇرالاتىنىن دەلەلدەپ, كليەنت شىعىنى مەن الاتىن پايداسىنىڭ اراقاتىناسىن كٶرسەتۋگە مٸندەتتٸ بولادى. ەگەر كەيبٸر كوميسسييالار, تاريفتەر نەمەسە قوسىمشا قىزمەتتەردٸڭ باعاسى ٶنٸم تالاپتارىنا سەيكەس كەلمەسە, ولاردىڭ قۇنى قايتا قارالۋى مٷمكٸن.
