مەجٸلٸس دەپۋتاتتارى تسيفرلاندىرۋ, جول قاۋٸپسٸزدٸگٸ جەنە جٷرگٸزۋشٸلەردٸ دايارلاۋ سالاسىنداعى كەسٸپكەرلٸك قىزمەت مەسەلەلەرٸ بويىنشا تٷزەتۋلەردٸ قاراستىرىپ جاتىر, دەپ حابارلايدى dalanews.kz.
زاڭ جوباسى اياسىندا اۆتومەكتەپتەردٸڭ جۇمىسىنا قويىلاتىن تالاپتاردى كٷشەيتۋ ۇسىنىلعان. دەپۋتات ەكاتەرينا سمىشلياەۆانىڭ ايتۋىنشا, قوعامدا جولداعى جەنە اۋلالارداعى قاۋٸپسٸزدٸككە سۇرانىس ارتىپ وتىر.
«زاڭ جوباسى جٷرگٸزۋشٸلەردٸ دايارلاۋ جٷيەسٸن جەتٸلدٸرۋ, سالاعا زاماناۋي تسيفرلىق قۇرالداردى ەنگٸزۋ جەنە تسيفرلىق ورتادا ادامنىڭ قاۋٸپسٸزدٸگٸن كٷشەيتۋ ارقىلى جول قوزعالىسى قاۋٸپسٸزدٸگٸن ارتتىرۋعا باعىتتالعان», - دەدٸ دەپۋتات.
قۇجاتتا جول ەرەجەسٸن بۇزۋدى تٸركەيتٸن تەحنيكالىق قۇرالداردى پايدالانۋ تەرتٸبٸ ناقتىلانادى. سونىمەن قاتار جٷرگٸزۋشٸلەردٸ دايارلايتىن وقۋ ۇيىمدارىنا مەملەكەتتٸك باقىلاۋدى كٷشەيتۋ ۇسىنىلىپ وتىر.
«اۆتومەكتەپتەردٸڭ قىزمەتٸنە رۇقسات بەرۋ تەرتٸبٸ ەنگٸزٸلەدٸ. ول ٷشٸن “رۇقساتتار جەنە حابارلامالار تۋرالى” زاڭعا ٶزگەرٸستەر ەنگٸزٸلەدٸ», - دەدٸ ەكاتەرينا سمىشلياەۆا.
دەپۋتاتتىڭ ايتۋىنشا, ەندٸ اۆتومەكتەپتەر رۇقسات الۋ ٷشٸن ماتەريالدىق-تەحنيكالىق بازاعا, ارنايى وقۋ الاڭدارىنا, كٶلٸك قۇرالدارىنا جەنە بٸلٸكتٸ وقىتۋشىلار قۇرامىنا يە بولۋى كەرەك.
«رۇقسات الۋ ٷشٸن اۆتومەكتەپتە قاجەتتٸ ماتەريالدىق-تەحنيكالىق بازا, وقۋ الاڭدارى, وقۋ كٶلٸكتەرٸ جەنە بٸلٸكتٸ وقىتۋشىلار بولۋى تيٸس», - دەدٸ دەپۋتات.
زاڭ جوباسىندا رۇقسات العان اۆتومەكتەپتەردٸڭ ارنايى مەملەكەتتٸك تٸزٸلٸمٸن قۇرۋ دا قاراستىرىلعان. بۇل جٷيە وقۋ ۇيىمدارىنىڭ قىزمەتٸن تۇراقتى باقىلاۋعا مٷمكٸندٸك بەرەدٸ.
«رۇقسات العان وقۋ ۇيىمدارىنىڭ مەملەكەتتٸك تٸزٸلٸمٸ قۇرىلۋى ۇسىنىلادى. تٸزٸلٸم رۇقسات العاننان كەيٸن وقۋ ۇيىمدارىنىڭ قىزمەتٸن باقىلاۋعا مٷمكٸندٸك بەرەدٸ. تٸزٸلٸمدٸ جٷرگٸزۋ ٸشكٸ ٸستەر مينيسترلٸگٸنە بەرٸلەدٸ», - دەدٸ سمىشلياەۆا.
سونىمەن قاتار زاڭ جوباسىندا مەديتسينالىق دەرەكتەردٸڭ كەيبٸر تٷرلەرٸن ٸٸم-نٸڭ اۆتوماتتاندىرىلعان بازاسىنا ەنگٸزۋ ۇسىنىلعان.
مەجٸلٸستە بۇل شارا رٶلگە دەنساۋلىعىنا بايلانىستى قارسى كٶرسەتٸلٸمٸ بار ازاماتتاردىڭ وتىرۋىنىڭ الدىن الۋ ٷشٸن قاجەت ەكەنٸ ايتىلدى.
