قازاقستاندا 2027 جىلعى 1 قاڭتاردان باستاپ اۋىل شارۋاشىلىعى جەرلەرٸن مەملەكەت مەنشٸگٸنە قايتارۋ جەنە قايتا بٶلۋ رەسٸمٸ تولىق ەلەكتروندى فورماتقا كٶشٸرٸلەدٸ, دەپ حابارلايدى dalanews.kz.
ٷكٸمەتتٸڭ مەلٸمەتٸنشە, جاڭا تەتٸك اياسىندا اگرارشىلار تسيفرلىق جەر كارتاسى ارقىلى بوس جاتقان جەنە قايتا بٶلٸنۋگە دايىن جەر تەلٸمدەرٸن ناقتى ۋاقىت رەجيمٸندە كٶرٸپ, ٶتٸنٸمدەرٸن ونلاين جولداي الادى. سونىمەن قاتار ٶتٸنٸمدەردٸڭ قارالۋ بارىسىن ەر كەزەڭدە باقىلاۋ مٷمكٸندٸگٸ بەرٸلەدٸ.
جاڭا جٷيەدە جەر كوميسسييالارىنىڭ قاتىسۋى الىنىپ تاستالادى. ٷكٸمەتتٸڭ مەلٸمەتٸنشە, بۇل جەر تەلٸمدەرٸن بٶلۋ پروتسەسٸنٸڭ اشىقتىعىن ارتتىرىپ, ادام فاكتورىن ازايتۋعا جەنە سىبايلاس جەمقورلىق تەۋەكەلدەرٸن تٶمەندەتۋگە مٷمكٸندٸك بەرەدٸ.
تسيفرلىق فورماتقا كٶشۋ مەملەكەتتٸك قىزمەتتەردٸ ەلەكتروندىق جٷيەگە كٶشٸرۋ جٶنٸندەگٸ جۇمىستىڭ جالعاسى بولماق. بۇعان دەيٸن جەر ۋچاسكەلەرٸنە مەملەكەتتٸك اكتٸلەردٸ بەرۋ قىزمەتٸ دە تولىقتاي eGov پورتالى ارقىلى كٶرسەتٸلە باستاعان.
ٷكٸمەت سونداي-اق مەملەكەت باسشىسىنىڭ تاپسىرماسى اياسىندا پايدالانىلماي جاتقان اۋىل شارۋاشىلىعى جەرلەرٸن مەملەكەت مەنشٸگٸنە قايتارۋ جۇمىستارى جالعاسىپ جاتقانىن حابارلادى. بٷگٸنگٸ كٷنٸ مەملەكەتكە 13,5 ملن گەكتار اۋىل شارۋاشىلىعى جەرٸ قايتارىلعان. ونىڭ باسىم بٶلٸگٸ قايتادان اۋىل شارۋاشىلىعى اينالىمىنا ەنگٸزٸلٸپ, جاڭا جەر پايدالانۋشىلار اراسىندا بٶلٸنگەن.
بيلٸكتٸڭ پٸكٸرٸنشە, تسيفرلىق تەتٸك جەر رەسۋرستارىن تيٸمدٸ باسقارۋعا, جەردٸ بٶلۋدٸڭ اشىقتىعىن قامتاماسىز ەتۋگە جەنە اۋىل شارۋاشىلىعى جەرلەرٸن يگەرۋ تيٸمدٸلٸگٸن ارتتىرۋعا ىقپال ەتەدٸ.
ەسكە سالايىق, سوڭعى جىلدارى قازاقستاندا جەر قاتىناستارىن تسيفرلاندىرۋ كەزەڭ-كەزەڭٸمەن جٷزەگە اسىرىلىپ كەلەدٸ. بۇل باعىتتا جەر ۋچاسكەلەرٸن رەسٸمدەۋ, مەملەكەتتٸك قىزمەتتەردٸ ونلاين كٶرسەتۋ جەنە بٸرىڭعاي مەملەكەتتٸك جىلجىمايتىن مٷلٸك كاداسترىنىڭ اقپاراتتىق جٷيەسٸن دامىتۋ بويىنشا جۇمىستار جٷرگٸزٸلۋدە.
