قازاقستاندا عىلىمدى دامىتۋعا باعىتتالعان جاڭا باستاما قولعا الىندى, دەپ حابارلايدى dalanews.kz.
سەنات عىلىم, بٸلٸم بەرۋ, دەنساۋلىق ساقتاۋ, ەلەۋمەتتٸك قامسىزداندىرۋ جەنە ەسكەري قىزمەت مەسەلەلەرٸ بويىنشا زاڭدى ماقۇلدادى. قۇجات اياسىندا ەلٸمٸزدە العاش رەت عىلىم قالاشىقتارى مەن عىلىمي-تەحنولوگييالىق پاركتەر قۇرۋعا قۇقىقتىق نەگٸز قالىپتاسادى.
جاڭا زاڭ عىلىمي زەرتتەۋلەردٸ ٶندٸرٸسپەن ۇشتاستىرۋعا, جوعارى تەحنولوگييالىق ٶندٸرٸستەردٸ دامىتۋعا جەنە عىلىمي جوبالاردى كوممەرتسييالاندىرۋعا باعىتتالعان. عىلىم قالاشىقتارى مەن عىلىمي-تەحنولوگييالىق پاركتەر عالىمدار, زەرتتەۋ ۇيىمدارى جەنە بيزنەس ٶكٸلدەرٸ ٷشٸن بٸرلەسكەن الاڭعا اينالماق.
زاڭ اياسىندا عىلىمي ۇيىمداردىڭ ۇجىمدىق پايدالانۋداعى زەرتحانالارعا تەڭ قولجەتٸمدٸلٸگٸ قامتاماسىز ەتٸلەدٸ. بۇل عىلىمي ينفراقۇرىلىمدى تيٸمدٸ پايدالانۋعا جەنە زەرتتەۋ جٷرگٸزۋ مٷمكٸندٸكتەرٸن كەڭەيتۋگە جول اشادى.
سونىمەن قاتار جەتەكشٸ عالىمدارعا ارنالعان جاڭا ەلەۋمەتتٸك قولداۋ شاراسى ەنگٸزٸلەدٸ. ەندٸ جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىندا, سونداي-اق عىلىمي مەكەمەلەردە جۇمىس ٸستەيتٸن جەتەكشٸ عالىمدارعا شىعارماشىلىق دەمالىس بەرۋ قاراستىرىلعان.
قۇجاتتا عىلىمدى قارجىلاندىرۋ تەتٸكتەرٸن جەتٸلدٸرۋ مەسەلەسٸ دە قامتىلعان. عىلىمي ۇيىمدارعا بٸرنەشە قارجىلاندىرۋ كٶزٸنەن بٸر مەزگٸلدە قاراجات الۋعا مٷمكٸندٸك بەرٸلەدٸ. ونىڭ ٸشٸندە جەر قويناۋىن پايدالانۋشىلاردىڭ اۋدارىمدارى ەسەبٸنەن قارجىلاندىرۋ تەتٸگٸ دە قاراستىرىلعان.
سونداي-اق زاڭمەن ۇلتتىق عىلىم اكادەميياسىنىڭ قارجىلاندىرۋ كٶزدەرٸ ناقتىلاندى. اكادەمييا قىزمەتٸ بيۋدجەت قاراجاتى جەنە زاڭمەن تىيىم سالىنباعان ٶزگە دە قارجى كٶزدەرٸ ارقىلى قامتاماسىز ەتٸلەدٸ.
بۇدان بٶلەك, مەكتەپ وقۋلىقتارىنداعى قاتەلٸكتەر ٷشٸن باسپالاردىڭ جاۋاپكەرشٸلٸگٸ كٷشەيتٸلەدٸ. ەگەر وقۋلىقتاعى قاتەلٸك باسپانىڭ كٸنەسٸنەن انىقتالسا, ونىڭ تارالىمى باسپا ەسەبٸنەن اۋىستىرىلاتىن بولادى.
سەناتورلاردىڭ پٸكٸرٸنشە, قابىلدانعان تٷزەتۋلەر وتاندىق عىلىمنىڭ ەلەۋەتٸن ارتتىرىپ, عىلىمي جاڭالىقتاردى ەكونوميكاعا ەنگٸزۋ ٷدەرٸسٸن جەدەلدەتۋگە مٷمكٸندٸك بەرەدٸ.
