قازاقستاندا العاش رەت اۆتوكٶلٸك ٶنەركەسٸبٸنە ارنالعان كۋزوۆتىق بٶلشەكتەردٸ شىعاراتىن شتامپتاۋ ٶندٸرٸسٸ ٸسكە قوسىلدى. جوبا ساران قالاسىنداعى QazTehna زاۋىتىندا جٷزەگە اسىرىلىپ جاتىر. QazTehna - اۆتوبۋس پەن كوممەرتسييالىق تەحنيكا شىعاراتىن وتاندىق جەتەكشٸ كەسٸپورىن. جوبا تولىق ٶندٸرٸستٸك تسيكلدٸ, تولىق تسيكلدٸ دامىتۋعا جەنە ەلدٸڭ يندۋسترييالىق بازاسىن نىعايتۋعا باعىتتالعان, دەپ حابارلايدى Dalanews.kz.
جوبانىڭ جالپى ينۆەستيتسييالىق كٶلەمٸ ەكٸنشٸ كەزەڭدٸ قوسا ەسەپتەگەندە 20 ميلليارد تەڭگەدەن اسادى. ٶندٸرٸستٸك الاڭدى دايىنداۋ جۇمىستارى كومپانييانىڭ ٶز قاراجاتى ەسەبٸنەن جٷرگٸزٸلسە, ال جابدىقتاردى ساتىپ الۋ ٶنەركەسٸپتٸ دامىتۋ قورىنىڭ قولداۋىمەن جٷزەگە اسىرىلىپ جاتىر.
جاڭا ٶندٸرٸستٸك كورپۋس 10 000 استام شارشى مەتر اۋماقتى قۇرايدى جەنە ەلٸمٸزدە بالاماسى جوق گيدراۆليكالىق شتامپتاۋ پرەسسٸمەن جابدىقتالادى. بۇل زاماناۋي جابدىق اۆتوبۋستاردىڭ مەتالل بٶلشەكتەرٸنٸڭ كەڭ سپەكترٸن شىعارۋعا مٷمكٸندٸك بەرەدٸ. جوبانىڭ ٸسكە اسىرىلۋى وتاندىق قۇرامداس بٶلٸكتەردٸڭ ٷلەسٸن ەدەۋٸر ارتتىرىپ, ٶڭٸردە جاڭا جۇمىس ورىندارىنىڭ قۇرىلۋىنا جول اشادى.
جوبانىڭ ەرەكشەلٸكتەرٸنٸڭ بٸرٸ مەتاللۋرگييالىق كومبينات Qarmet ٶندٸرەتٸن 08كپ ماركالى قازاقستاندىق مىرىشتالعان بولاتتى قولدانۋ. اتالعان ٶنٸم حالىقارالىق سەرتيفيكاتتاۋدان سەتتٸ ٶتٸپ, ساپا جاعىنان ەلەمدٸك ستاندارتتارعا ساي كەلەتٸنٸن دەلەلدەدٸ. بۇل يمپورتتى الماستىرۋ جەنە تەحنولوگييالىق تەۋەلسٸزدٸككە باعىتتالعان ماڭىزدى قادامداردىڭ بٸرٸ.
باستاپقى كەزەڭدە شتامپتاۋ جەلٸسٸ Yutong ماركالى قالالىق, تۋريستٸك جەنە مەكتەپ اۆتوبۋستارىنا ارنالعان كۋزوۆتىق بٶلشەكتەردٸ شىعارادى. كەيٸننەن ٶندٸرٸس اياسىن كەڭەيتٸپ, HOWO ماركالى كوممەرتسييالىق تەحنيكاعا ارنالعان بٶلشەكتەر دە ٶندٸرٸلەتٸن بولادى.
قازٸرگٸ تاڭدا ٶندٸرٸس الاڭىندا جابدىقتاردى ورناتۋ جەنە قۇرىلىس جۇمىستارى قاتار جٷرگٸزٸلۋدە. ٶندٸرٸستٸ ٸسكە قوسۋ 2025 جىلدىڭ تامىزىنا جوسپارلانعان.
بۇل باستاما مەملەكەت باسشىسىنىڭ 2024 جىلعى جولداۋىندا ايتىلعان ٶنەركەسٸپتٸك ەلەۋەتتٸ ارتتىرۋ جٶنٸندەگٸ ستراتەگييالىق مٸندەتتەرٸنە تولىق ساي كەلەدٸ. سونىمەن قاتار ول ماشينا جاساۋ سالاسىندا تەحنولوگييالىق كلاستەردٸ قالىپتاستىرۋعا, جەرگٸلٸكتٸ جەتكٸزۋشٸلەر مەن ارالاس ٶندٸرٸستەردٸ دامىتۋعا جاڭا مٷمكٸندٸكتەر اشادى.
