قازاقستاندا العاش رەت قارجىلىق ساۋات وليمپياداسى ٶتەدٸ, دەپ حابارلايدى Dalanews.kz.
قازاقستان رەسپۋبليكاسى وقۋ-اعارتۋ مينيسترلٸگٸنٸڭ «دارىن» رەسپۋبليكالىق عىلىمي-پراكتيكالىق ورتالىعى العاش رەت 9-11 (12) سىنىپ وقۋشىلارىنا ارنالعان قارجىلىق ساۋاتتىلىق پەن تسيفرلىق قاۋٸپسٸزدٸك بويىنشا رەسپۋبليكالىق وليمپيادا ٶتكٸزۋ باستاماسىن كٶتەردٸ.
بۇل جوبا وقۋشىلاردىڭ قارجى سالاسىنداعى بٸلٸمٸن ارتتىرۋعا, قارجىلىق جاۋاپتىلىق پەن تسيفرلىق قاۋٸپسٸزدٸك مەدەنيەتٸن قالىپتاستىرۋعا باعىتتالعان.
وليمپيادانىڭ بٸرٸنشٸ (مەكتەپٸشٸلٸك) كەزەڭٸ 17 قازان كٷنٸ بارلىق ٶڭٸرلەردە وفلاين فورماتتا ٶتەدٸ. قاتىسۋشىلار 30 سۇراقتان تۇراتىن تەست تاپسىرماسىن 60 مينۋت ٸشٸندە ورىندايدى. ٷزدٸك نەتيجە كٶرسەتكەن 30 وقۋشى كەلەسٸ كەزەڭگە جولداما الادى.
بارلىعى تٶرت كەزەڭنەن تۇراتىن وليمپيادانىڭ فينالى 2026 جىلدىڭ مامىر ايىندا استانا قالاسىندا ٶتەدٸ. قورىتىندى كەزەڭدە ەر ٶڭٸر مەن رەسپۋبليكالىق بٸلٸم بەرۋ ۇيىمدارىنان ٷزدٸك 150-دەن استام وقۋشى باق سىنايدى.
