قازاقستاندا بٷگٸندە 4 739 ادام اعزا ترانسپلانتاتسيياسىن كٷتٸپ جٷر. ولاردىڭ 125-ٸ – بالا. كٷتۋ پاراعىنداعى ناۋقاستاردىڭ باسىم بٶلٸگٸنە بٷيرەك الماستىرۋ قاجەت, دەپ حابارلايدى dalanews.kz.
قازٸرگٸ مەلٸمەت بويىنشا, 4 208 ادامعا – بٷيرەك, 293 ادامعا – باۋىر, 208 ادامعا – جٷرەك, ال 30 ادامعا ٶكپە ترانسپلانتاتسيياسى قاجەت.
ترانسپلانتاتسييا سانى كٶبەيٸپ كەلەدٸ
كەيٸنگٸ جىلدارى ەلٸمٸزدە اعزا الماستىرۋ وپەراتسييالارىنىڭ سانى بٸرتٸندەپ ارتقان. مەسەلەن, 2023 جىلى 236 ترانسپلانتاتسييا جاسالسا, 2024 جىلى بۇل كٶرسەتكٸش 260-قا, ال 2025 جىلى 310-عا جەتكەن.
2026 جىلدىڭ العاشقى التى ايىندا ەلٸمٸزدە تاعى 150 ترانسپلانتاتسييا جاسالدى. ونىڭ 30-ى قايتىس بولعان دونورلاردىڭ اعزالارىن پايدالانۋ ارقىلى جٷرگٸزٸلگەن.
قايتىس بولعاننان كەيٸنگٸ دونورلىق تا دامىپ كەلەدٸ
قازاقستاندا قايتىس بولعاننان كەيٸن دونور بولۋعا جارامدى پاتسيەنتتەردٸ انىقتاۋ كٶرسەتكٸشٸ دە ٶسكەن. 2023 جىلى 49 ەلەۋەتتٸ دونور تٸركەلسە, 2024 جىلى ولاردىڭ سانى 86-عا جەتتٸ. ال 2025 جىلى 186 ادام ەلەۋەتتٸ دونور رەتٸندە انىقتالعان. 2026 جىلدىڭ بٸرٸنشٸ جارتىجىلدىعىندا تاعى 108 جاعداي تٸركەلدٸ.
سونداي-اق سەگٸز جاعدايدا مۋلتياعزالىق الۋ جٷرگٸزٸلگەن. بۇل – بٸر دونوردان بٸرنەشە اعزا الىنىپ, ولاردى ترانسپلانتاتسيياعا مۇقتاج بٸرنەشە پاتسيەنتكە سالۋعا مٷمكٸندٸك بەرەتٸن تەسٸل.
دەگەنمەن «ەلەۋەتتٸ دونور» دەگەن ۇعىم ادامنىڭ اعزالارى مٸندەتتٸ تٷردە الىنادى دەگەندٸ بٸلدٸرمەيدٸ. مۇنداي مەرتەبە دەرٸگەرلەر كونسيليۋمى مي ٶلٸمٸن بەلگٸلەنگەن تەرتٸپپەن راستاعان جەنە مەديتسينالىق تالاپتارعا سەيكەس كەلەتٸن پاتسيەنتكە عانا بەرٸلەدٸ.
ودان كەيٸن ادامنىڭ كٶزٸ تٸرٸسٸندە دونورلىققا قاتىستى قانداي شەشٸم قابىلداعانى تەكسەرٸلٸپ, زاڭنامادا قاراستىرىلعان بارلىق رەسٸم ساقتالادى.
172 مىڭنان استام ادام دونورلىققا قاتىستى تاڭداۋ جاساعان
قازاقستاندىقتار قايتىس بولعاننان كەيٸن اعزا دونورى بولۋعا كەلٸسەتٸنٸن نەمەسە ودان باس تارتاتىنىن eGov ارقىلى الدىن الا تٸركەي الادى.
قازٸر بۇل مٷمكٸندٸك ارقىلى 172 283 ادام ٶز شەشٸمٸن بٸلدٸرگەن. ونىڭ 16 109-ى قايتىس بولعاننان كەيٸن دونور بولۋعا كەلٸسسە, 156 174 ادام باس تارتقان.
قايتىس بولعاننان كەيٸنگٸ دونورلىققا كەلٸسۋ نەمەسە ودان باس تارتۋ – ەر ادامنىڭ جەكە ەرٸ ەرٸكتٸ تاڭداۋى. ال دەنساۋلىق ساقتاۋ جٷيەسٸنٸڭ مٸندەتٸ – ازاماتتارعا شەشٸم قابىلداۋعا قاجەتتٸ ناقتى ەرٸ تٷسٸنٸكتٸ اقپارات بەرۋ.
