قازاقستاندا 20 قىركۇيەكتە العاشقى قار جاۋادى. قازگيدرومەت اۋا رايى بولجامىن جاريالادى، دەپ حابارلايدى Dalanews.kz.
سينوپتيكتەر 20، 21، 22 قىركۇيەككە ارنالعان اۋا رايى بولجامىن ۇسىندى.
الداعى ءۇش تاۋلىكتە ەلدىڭ باسىم بولىگىنە اتموسفەرالىق فرونتتار اسەر ەتەدى. كەيبىر وڭىرلەردە جاڭبىر جاۋىپ، نايزاعاي وينايدى، جەل كۇشەيەدى. بۇرشاق جاۋىپ، داۋىل سوعۋى دا ىقتيمال.
20 قىركۇيەككە قاراعان ءتۇنى قازاقستاننىڭ وڭتۇستىك-شىعىسىنداعى تاۋلى ايماقتاردا جاڭبىر مەن قار تۇرىندەگى جاۋىن-شاشىن جاۋادى. بىرنەشە وڭىردە تۇنگى جانە تاڭعى ۋاقىتتا تۇمان تۇسەدى.
رەسپۋبليكانىڭ سولتۇستىك جارتىسىندا تۇنگى ۋاقىتتا 1-3 گرادۋسقا دەيىن ۇسىك ءجۇرۋى مۇمكىن.
