قازاقستاندا 2027 جىلدان باستاپ 11 جاستاعى ۇل بالالاردى ادام پاپيللوماسى ۆيرۋسىنا (اپۆ) قارسى ۆاكتسيناتسييالاۋ پيلوتتىق رەجيمدە قولعا الىنباق. بۇل تۋرالى 2027–2029 جىلدارعا ارنالعان بيۋدجەت جوباسىن تالقىلاۋ كەزٸندە قارجى ۆيتسە-مينيسترٸ ابزال بەيسەنبەكۇلى مەلٸمدەدٸ, دەپ حابارلايدى dalanews.kz.
ەلٸمٸزدە اپۆ-عا قارسى ەكپە 2024 جىلدىڭ قىركٷيەگٸنەن بەرٸ 11–13 جاستاعى قىزدارعا سالىنىپ كەلەدٸ. ۆاكتسيناتسييا اتا-اناسىنىڭ نەمەسە زاڭدى ٶكٸلٸنٸڭ كەلٸسٸمٸمەن جٷرگٸزٸلەدٸ. ەندٸ پروفيلاكتيكالىق باعدارلاماعا ۇل بالالاردى دا قوسۋ كٶزدەلٸپ وتىر.
ادام پاپيللوماسى ۆيرۋسىنىڭ كەيبٸر تٷرلەرٸ قاتەرلٸ ٸسٸككە ەكەلۋٸ مٷمكٸن. بۇل ينفەكتسييا ەر ادامدار اراسىندا دا بٸرقاتار ونكولوگييالىق جەنە ٶزگە اۋرۋلاردىڭ پايدا بولۋ قاۋپٸن ارتتىرادى. ماماندار ەكپەنٸ جاسٶسپٸرٸم كەزدە سالۋ اعزادا ۆيرۋسپەن ىقتيمال بايلانىسقا دەيٸن قورعانىس قالىپتاستىرۋعا مٷمكٸندٸك بەرەتٸنٸن ايتادى. سونىمەن قاتار ۆاكتسيناتسييا اۋقىمىنىڭ كەڭەيۋٸ ينفەكتسييانىڭ تارالۋىن تەجەۋگە ىقپال ەتەدٸ.
2027 جىلعا ارنالعان بيۋدجەت جوباسىندا دەنساۋلىق ساقتاۋ سالاسىنا شامامەن 2,5 ترلن تەڭگە قاراستىرىلعان. قاراجات تەگٸن مەديتسينالىق كٶمەك كٶرسەتۋگە, دەرٸ-دەرمەكپەن قامتاماسىز ەتۋگە, مەديتسينالىق ساقتاندىرۋ مەن پروفيلاكتيكالىق باعدارلامالاردى ٸسكە اسىرۋعا جۇمسالماق. مەديانالىق جالاقىنىڭ ٶسۋٸنە بايلانىستى مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸنە قوسىمشا 185 ملرد تەڭگە بٶلۋ ۇسىنىلعان.
سونداي-اق 2027 جىلى قازاقستاننىڭ تٶرت ٶڭٸرٸندە ٶكپە وبىرىن ەرتە انىقتاۋعا ارنالعان پيلوتتىق سكرينينگ ەنگٸزۋ جوسپارلانىپ وتىر. تەكسەرۋ تٶمەن دوزالى كومپيۋتەرلٸك توموگرافييا ارقىلى جٷرگٸزٸلەدٸ. سكرينينگ, ەڭ الدىمەن, 50 جاستان اسقان ازاماتتارعا, ۇزاق ۋاقىت تەمەكٸ شەككەن نەمەسە بۇرىن شىلىم شەككەن ادامدارعا جەنە زيياندى ٶندٸرٸستە ەڭبەك ەتەتٸن قىزمەتكەرلەرگە ۇسىنىلادى.
