ساناۋلى كٷندەردەن كەيٸن استانادا قازاقستان حالقى اسسامبلەياسى كەڭەسٸنٸڭ وتىرىسى ٶتەدٸ. بيىل بۇل قۇرىلىمنىڭ قۇرىلعانىنا 30 جىل. تاريحي مەرەيتوي قارساڭىندا بٸز ەلٸمٸزدٸڭ باستى ەرەكشەلٸكتەرٸ مەن اسسامبلەيانىڭ قازٸرگٸ قوعامداعى ورنى تۋرالى ساراپشىلار پٸكٸرٸن تىڭدادىق, - دەپ حابارلايدى Dalanews.kz
— قازاقستان — پوستكەڭەستٸك ەلدەر اراسىندا ەرەكشە مەملەكەت. سەبەبٸ بٸز — كٶپەتنوستى ەلمٸز. مۇنداي قوعامدا تۇراقتىلىق پەن بەيبٸتشٸلٸك ساقتاۋ وڭاي ەمەس, — دەيدٸ «ۇيعىر اۆوزي» گازەتٸنٸڭ باس رەداكتورى ەرشات اسماتوۆ. — مەملەكەت باسشىسى مەن ٷكٸمەتكە ٷلكەن جاۋاپكەرشٸلٸك جٷكتەلەدٸ. تەك ەكونوميكالىق نەمەسە ەلەۋمەتتٸك مەسەلەلەر عانا ەمەس, ۇلتتىق, ەتنوستىق تەپە-تەڭدٸك تە ٷنەمٸ نازاردا بولۋى كەرەك. بۇل جەردە ەڭ باستىسى — ەلدٸڭ بٸرلٸگٸ مەن ىنتىماعى.
اسسامبلەيا — ۇلتارالىق تاتۋلىقتىڭ قازاقستاندىق تەجٸريبەسٸ
ەرشات اسماتوۆ اتاپ ٶتكەندەي, قازاقستاندا بٸرەگەي قۇرىلىم — قازاقستان حالقى اسسامبلەياسى جۇمىس ٸستەيدٸ. بۇل ينستيتۋت ەلەمدٸك تەجٸريبەدە سيرەك كەزدەسەدٸ. اسسامبلەيا ارقىلى ەلدە ەر ۇلتتىڭ مەدەنيەتٸ, تٸلٸ, تاريحى ساقتالىپ, دامۋىنا جاعداي جاسالعان. ونىڭ ٷستٸنە, قازاقستان كونستيتۋتسيياسىندا ەربٸر ەتنوستىڭ قۇقىعى زاڭ جٷزٸندە بەكٸتٸلگەن.
— قازاقستان حالقى اسسامبلەياسىنىڭ قۇرىلۋى, ونىڭ تٶراعاسى رەتٸندە پرەزيدەنتتٸڭ سايلانۋى — كەزدەيسوقتىق ەمەس. بۇل — ويلاستىرىلعان شەشٸم. بۇعان كٶپتەگەن ەلدەر قىزىعۋشىلىقپەن قاراپ, تەجٸريبەنٸ ٷلگٸ ەتەدٸ.
ۇلتتار دوستىعى — سىن ساعاتتا كٶرٸنەدٸ
سوڭعى جىلدارى ەلدە ورىن العان تابيعي اپاتتار مەن تٶتەنشە جاعدايلار كەزٸندە اسسامبلەيا جەنە ونىڭ مٷشەلەرٸ بەلسەندٸلٸك تانىتىپ كەلەدٸ.
— مىسالى, 2010 جىلى قىزىلاعاشتى سۋ باسقاندا, ۇيعىر مەدەني ورتالىعى 14 مىڭ دوللار كٶلەمٸندە كٶمەك كٶرسەتتٸ. باسقا دا تٶتەنشە جاعدايلاردا — ماقتارالداعى سۋ تاسقىنى, باتىستاعى اپاتتار, ٶرت كەزٸندە — تٷرلٸ ەتنوس ٶكٸلدەرٸ, ۆولونتەرلەر, مەتسەناتتار بٸرلەسە وتىرىپ, قول ۇشىن بەردٸ. بۇل — ناعىز دوستىق پەن جاناشىرلىقتىڭ بەلگٸسٸ, — دەيدٸ اسماتوۆ.
اسسامبلەيانىڭ ەۆوليۋتسيياسى جەنە جاڭا فورمات
ٶتكەن جىلدارى مەجٸلٸستە اسسامبلەيادان توعىز دەپۋتات سايلانىپ, ەتنوستاردىڭ مٷددەسٸن قورعادى. قازٸر بۇل جٷيە ٶزگەرٸپ, سەناتتا بەس ورىن قازاقستان حالقى اسسامبلەياسىنا بەرٸلگەن. بۇل — ۇلتتىق ساياساتتاعى وڭ قادامنىڭ بٸرٸ.
— مەنٸڭ ويىمشا, كەز كەلگەن ەكونوميكالىق نە ەلەۋمەتتٸك مەسەلەنٸ شەشۋدەن بۇرىن ەلدەگٸ بٸرلٸك پەن تاتۋلىقتى, ۇلتتىق ساياساتتى دۇرىس جولعا قويعان ابزال. كٶپەتنوستىلىق — بۇل بٶلٸنۋشٸلٸك ەمەس, كەرٸسٸنشە, باۋىرمالدىقتىڭ, تٷسٸنٸستٸكتٸڭ, ادامگەرشٸلٸكتٸڭ سيمۆولى. اللا ادامداردى تٷرلٸ ۇلت ەتٸپ جاراتقان, ولار بٸر-بٸرٸن ٷيرەنٸپ, قۇرمەتتەۋٸ ٷشٸن, — دەيدٸ باس رەداكتور.
30 جىلدىق تەجٸريبە — ەلەمگە ٷلگٸ
قازاقستان حالقى اسسامبلەياسى — ٶتكەن وتىز جىلدا ۇلتارالىق تاتۋلىق پەن تۇراقتىلىقتىڭ بەرٸك مودەلٸن قالىپتاستىردى. بۇل مودەلدٸڭ ٶزەگٸ — ەلدەگٸ بارلىق ەتنوستاردىڭ تەڭ قۇقىعى مەن ۇلتتىق بٸرلٸككە نەگٸزدەلگەن قوعامدىق كەلٸسٸم.
