ق ر عىلىم جانە جوعارى ءبىلىم ءمينيسترى ساياسات نۇربەك ەلىمىزگە جۇزدەگەن قازاقستاندىق عالىم شەتەلدەن ورالاتىنىن مالىمدەدى، دەپ حابارلايدى Dalanews.kz.
مينيستر 1990 جىلدارى كسرو ىدىراعاننان كەيىن ەلدەن بىلىكتى عالىمداردىڭ بوي تاسالاپ كەتكەنىن اتاپ ءوتتى. وسى تۇستا ول قازىرگى تاڭدا عىلىم سالاسىنىڭ ماماندارىن اتامەكەنىنە قايتارۋ جۇمىستارى ءجۇرىپ جاتقانىن جەتكىزدى.
ماسەلەن، 1990 جىلدارى قازاقستاندا 52 مىڭ عىلىمي قىزمەتكەر بولسا، 2000 جىلعا قاراي بۇل سان 12 مىڭ ادامعا دەيىن ازايعان ەكەن.
"ەلشىلىكتەرمەن بىرلەسە وتىرىپ، ءبىز دەرەكتەر بازاسىن جاسادىق. جەتەكشى عىلىمي ينستيتۋتتاردا نەمەسە ۋنيۆەرسيتەتتەردە جۇمىس ىستەيتىن 680 جاس ءارى تاجىريبەلى عالىمدار بار — ءبىز ولاردى انىقتادىق"، - دەدى مينيستر.
وسىعان بايلانىستى عىلىم جانە جوعارى ءبىلىم ءمينيسترى ولاردى ەلگە قايتارۋ ءۇشىن ءۇش باعىت بويىنشا جۇمىس جۇرگىزىلىپ جاتقانىن العا تارتتى. ءبىرىنشى ماسەلە – بۇل قازاقستاندىق عالىمداردىڭ ەلگە ورالعىسى كەلمەۋى. سوندىقتان "بولاشاق" تالىمگەرلىك باعدارلاماسى بويىنشا جاس كادرلار ولاردان ءبىلىم الۋعا جىبەرىلەدى.
"ماسەلەن، مۇرات ساپاربايەۆ پاريجدە ۇلكەن زەرتحانانى باسقارادى. ونىڭ جەتەكشىلىگىمەن ءال-فارابي جانە ساتبايەۆ اتىنداعى ۋنيۆەرسيتەتتەردەن التى عالىم جۇمىس ىستەيدى. ول عالىمداردى وقىتادى جانە قازاقستاندا وسىنداي زەرتحانا قۇرۋعا كومەكتەسەدى"، — دەدى ساياسات نۇربەك.
سونداي-اق قازاقستاندىق عالىمداردىڭ "تىكەلەي ورالۋ" نۇسقاسى دا بار. دوس سارباسوۆ قازاقستانعا وسىلاي كەلدى. ءمينيستردىڭ ايتۋىنشا، وعان ق ر پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەستىڭ مۇشەسى جانە نازاربايەۆ ۋنيۆەرسيتەتىنىڭ زەرتحاناسى مارتەبەسى بەرىلگەن. عالىمداردى ەلگە قايتارۋدىڭ ءۇشىنشى جولى – ەلدەن كەتكەن عالىمداردىڭ قازاقستانداعى ارىپتەستەرىنە ءدارىس وقۋى. جوبا "سيفرلىق كوشپەندىلەر لەكسياسى" سەرياسى دەپ اتالادى. سونىمەن قاتار ەميگرانت عالىمدار عىلىمي كەڭەستەرگە تاۋەلسىز ديرەكتور بولۋعا شاقىرىلۋى مۇمكىن.
