قازاقستان قۇراماسىنىڭ باس باپكەرى الي الييەۆ بەلگيادان ويسىراي ۇتىلعاننان كەيىن وتستاۆكاعا كەتەتىنىن مالىمدەدى، دەپ حابارلايدى Dalanews.kz.

كەشە قازاقستان قۇراماسى 2026 جىلعى الەم چەمپيوناتىنىڭ ىرىكتەۋ كەزەڭىندە بەلگيامەن سىرت الاڭدا ويناپ، اۋىر جەڭىلىسكە ۇشىرادى. ويىن 0:6 ەسەبىمەن اياقتالدى.

كوماندانىڭ باس باپكەرى الي الييەۆ ماچ قورىتىندىسىنا بايلانىستى پىكىر ءبىلدىردى:

«قىسقا عانا ايتارىم: بولعان جايتتىڭ بارلىعى – مەنىڭ جاۋاپكەرشىلىگىم. جەڭىلىستى ءوز موينىما الامىن. بىردە-بىر فۋتبولشىنى سىنعا الۋعا بولمايدى. بۇل – تولىعىمەن مەنىڭ كىنام. مەن وتستاۆكا تۋرالى شەشىم قابىلدايمىن جانە ەلگە ورالعان بويدا فەدەراسيا پرەزيدەنتى مەن باسشىلىققا حابارلايمىن»، – دەدى ول.

باسقا ماچتاردىڭ ناتيجەلەرى (چم-2026 ىرىكتەۋى):

يسپانيا - تۇركيا 6:0 (7 قىركۇيەك)

پورتۋگاليا - ارمەنيا 5:0 (6 قىركۇيەك)

يسلانديا - ازەربايجان 5:0 (5 قىركۇيەك)

گرەكيا - بەلارۋس 5:1 (5 قىركۇيەك)