قازاقستاننىڭ ۇلتتىق ەكونوميكا مينيسترٸ تيمۋر سٷلەيمەنوۆ قازاق-قىرعىز شەكاراسىنداعى جاعدايدى ساياسيلاندىرماۋعا شاقىردى. ول قازاقستاندى "ەۋرازييالىق ەكونوميكالىق كوميسسييا قاعيدالارىن بۇزدى" دەگەن ايىپتاۋلاردى نەگٸزسٸز دەپ اتادى.
"كەز كەلگەن مەملەكەت ٶزٸنٸڭ ەكونوميكالىق جەنە باسقا دا مٷددەلەرٸن قورعاۋ قاجەتتٸلٸگٸ تۋعاندا, ٸشكٸ شارالارىن قولدانا الادى دەپ ويلايمىن. مەنٸڭ پٸكٸرٸمشە, بۇنىڭ بارلىعىن ساياسيلاندىرۋدىڭ قاجەتٸ جوق, مەسەلەنٸ مٷددەلٸ تاراپتارمەن بٸرگە شەشۋگە تىرىسۋ قاجەت", - دەدٸ مينيستر.
سٷلەيمەنوۆتٸڭ ايتۋىنشا, قازاقستان ٶز زاڭدارى اياسىندا ەرەكەت ەتٸپ وتىر. "بۇنىڭ ەۋرازييالىق ەكونوميكالىق قاۋىمداستىق اياسىنداعى جاۋاپكەرشٸلٸككە دە قاتىسى بار. كەز كەلگەن تاراپتىڭ ەۋرازييالىق ەكونوميكالىق جوعارى كەڭەسكە جٷگٸنۋنە قۇقىعى بار", - دەدٸ سٷلەيمەنوۆ.
قىرعىزستاننىڭ ەكونوميكا مينيسترلٸگٸ 16 قازاندا قازاق تاراپىنىڭ شەكارادان ٶتكٸزۋ جٷيەسٸن قاتايتقانىنا بايلانىستى ەەك-نە شاعىمدانعانىن مەلٸمدەدٸ.
