Qazaqstannyń ulttyq ekonomıka mınıstri Tımýr Súleımenov qazaq-qyrǵyz shekarasyndaǵy jaǵdaıdy saıasılandyrmaýǵa shaqyrdy. Ol Qazaqstandy "Eýrazıalyq ekonomıkalyq komısıa qaǵıdalaryn buzdy" degen aıyptaýlardy negizsiz dep atady.
"Kez kelgen memleket óziniń ekonomıkalyq jáne basqa da múddelerin qorǵaý qajettiligi týǵanda, ishki sharalaryn qoldana alady dep oılaımyn. Meniń pikirimshe, bunyń barlyǵyn saıasılandyrýdyń qajeti joq, máseleni múddeli taraptarmen birge sheshýge tyrysý qajet", - dedi mınıstr.
Súleımenovtiń aıtýynsha, Qazaqstan óz zańdary aıasynda áreket etip otyr. "Bunyń Eýrazıalyq ekonomıkalyq qaýymdastyq aıasyndaǵy jaýapkershilikke de qatysy bar. Kez kelgen taraptyń Eýrazıalyq ekonomıkalyq Joǵary keńeske júginýne quqyǵy bar", - dedi Súleımenov.
Qyrǵyzstannyń ekonomıka mınıstrligi 16 qazanda qazaq tarapynyń shekaradan ótkizý júıesin qataıtqanyna baılanysty EEK-ne shaǵymdanǵanyn málimdedi.
