@NRG_monitor ەسەبىنشە، قاشاعاندا اشىلعالى بەرى وندىرىلگەن مۇناي كولەمى 105 ميلليون توننانى قۇرايدى. بۇل اقشالاي ەسەپتەگەندە 65 ميلليارد دوللار بولادى (باررەلىنە $85 باعامەن).
ال قازاقستان نەگە ينۆەستورلاردان 138 ميلليارد دوللار تالاپ ەتۋدە؟
2008 جىلى قاشاعان بويىنشا ءونىمدى ءبولۋ كەلىسىمىنە (سرپ) وزگەرىستەر ەنگىزىلىپ، سول جىلى قاشاعاندى يگەرۋ جوسپارى مەن بيۋدجەتىنە تۇزەتۋلەر بەكىتىلدى. وندا بولجامدىق شىعىندار 57 ميلليارد دوللاردان 136 ميلليارد دوللارعا دەيىن ءوسىپ، وندىرىستىك كەستە 2008 جىلدان 2010 جىلعا جىلجىتىلدى.
ونىڭ ەسەسىنە جوباداعى قازمۇنايگاز ۇلەسى 8،33-تەن 16،81%-عا ءوستى، سونداي-اق رەسپۋبليكا پايداسىنا قوسىمشا اقشالاي تولەمدەر (رويالتي) قوسىلدى. ولار مۇناي باعاسىنا بايلانىستى 3،5%-12،5% ارالىعىندا تولەنۋى ءتيىس ەدى. مۇناي باعاسى 85 دوللار/باررەل بولىپ تۇرعاندا بىزگە كەلۋى ءتيىس وتەماقى سوماسى 71 ميلليارد دوللارعا باعالاندى.
ەڭ باستىسى، كەزىندە ينۆەستورلار قاشاعانداعى مۇنايدى كەزەڭ-كەزەڭىمەن يگەرۋگە جانە ءوندىرۋدى ارتتىرۋعا ۋادە بەرگەن ەدى. مۇناي نەعۇرلىم كوپ بولسا، رەسپۋبليكانىڭ ۇلەسى سوعۇرلىم تەزىرەك تولەنەدى. دەمەك، قازاقستان ينۆەستورلاردىڭ قاشاعاندى يگەرۋدى جىلدان-جىلعا كەيىنگە قالدىرۋىنان ۇلكەن سوما جوعالتتى.
