قازاقستان ورتالىق ازيياداعى شەتەلدٸك ينۆەستيتسييالاردىڭ شامامەن 70%-ىن تارتىپ, ٶڭٸردٸڭ نەگٸزگٸ ينۆەستيتسييالىق ورتالىعىنا اينالدى, دەپ حابارلايدى dalanews.kz.
ٷكٸمەتتٸڭ مەلٸمەتٸنشە, 2025 جىلدىڭ قورىتىندىسىندا ەلٸمٸزدٸڭ جالپى ٸشكٸ ٶنٸمٸ 6,5%-عا ٶسٸپ, 300 ملرد دوللاردان استى. ال جيناقتالعان تازا تٸكەلەي شەتەلدٸك ينۆەستيتسييا كٶلەمٸ 150 ملرد دوللاردان اسىپ, بۇل كٶرسەتكٸش ورتالىق ازيياعا تارتىلعان ينۆەستيتسييالاردىڭ شامامەن 70%-ىن قۇرادى.
2026 جىلى قازاقستانعا 25 ملرد دوللاردان استام تٸكەلەي شەتەلدٸك ينۆەستيتسييا تارتۋ جەنە نەگٸزگٸ كاپيتالعا سالىناتىن ينۆەستيتسييا كٶلەمٸن 31,5 ترلن تەڭگەگە جەتكٸزۋ مٸندەتٸ قويىلعان.
ٷكٸمەت جانىنداعى ينۆەستيتسييالىق احۋالدى جاقسارتۋ جٶنٸندەگٸ كەڭەستە قازاقستاننىڭ حالىقارالىق بيزنەس ٷشٸن نەگٸزگٸ ارتىقشىلىقتارىن ودان ەرٸ كٷشەيتۋ مەسەلەلەرٸ قارالدى. اتاپ ايتقاندا, جاڭا كونستيتۋتسييا كٷشٸنە ەنگەننەن كەيٸن قۇقىقتىق جٷيەنٸ جەتٸلدٸرۋ, مەملەكەتتٸك رەتتەۋدٸڭ بولجامدىلىعىن قامتاماسىز ەتۋ, ينۆەستورلارمەن تۇراقتى ديالوگ ورناتۋ جەنە زاماناۋي تسيفرلىق ورتانى دامىتۋ مەسەلەلەرٸنە باسىمدىق بەرٸلدٸ.
سونداي-اق تسيفرلىق ەكونوميكا مەن جاساندى ينتەللەكت باعىتىنداعى جوبالاردى دامىتۋعا ەرەكشە نازار اۋدارىلىپ وتىر. قازاقستاندا تسيفرلىق كودەكس, جاساندى ينتەللەكت جەنە كيبەرقاۋٸپسٸزدٸك تۋرالى زاڭدار قابىلدانىپ, Digital Qazaqstan ستراتەگيياسى ٸسكە اسىرىلۋدا. سونىمەن قاتار دەرەكتەردٸ ٶڭدەۋ ينفراقۇرىلىمى دامىپ, جاساندى ينتەللەكت سالاسىنداعى اۋقىمدى جوبالار قولعا الىنعان.
ٷكٸمەتتٸڭ باعالاۋىنشا, بۇل شارالار جوعارى قوسىلعان قۇنى بار جاڭا ٶندٸرٸستەردٸ دامىتۋعا مٷمكٸندٸك بەرەتٸن زاماناۋي ينۆەستيتسييالىق ەكوجٷيەنٸ قالىپتاستىرادى. وسىلايشا, قازاقستان ۇزاق مەرزٸمدٸ ينۆەستيتسييالار ٷشٸن اشىق ەرٸ سەنٸمدٸ الاڭ رەتٸندەگٸ ۇستانىمىن ساقتاپ قالۋدى كٶزدەپ وتىر.
