ۆەنادا OPEC حالىقارالىق دامۋ قورىنىڭ دامۋ فورۋمى ءوتتى. فورۋمعا ءارتۇرلى ەلدەردىڭ وكىلدەرى، حالىقارالىق ينۆەستيسيالىق توپتار مەن قارجى ۇيىمدارى قاتىسىپ، عالامدىق دامۋ جانە ىنتىماقتاستىق ماسەلەلەرىن تالقىلادى.
پانەلدىك سەسسيا بارىسىندا قازاقستان رەسپۋبليكاسى پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ ەلىمىزدە جۇرگىزىلىپ جاتقان ەكونوميكالىق ساياسات جانە قۇرىلىمدىق رەفورمالار تۋرالى ايتتى. ونىڭ باستى ماقساتى - ازاماتتاردىڭ ءال-اۋقاتىن ارتتىرۋ. ۆيسە-پرەمەر تۇراقتى ەكونوميكالىق وسۋگە قول جەتكىزۋ ءۇشىن بەرىك ونەركاسىپتىك نەگىز قۇرۋعا جانە ەكونوميكانى بازالىق ينفراقۇرىلىممەن قامتاماسىز ەتۋگە باعىتتالعان جاڭا ينۆەستيسيالىق سيكلدىڭ ىسكە قوسىلعانىن اتاپ ءوتتى.
«ءبىز اشىقتىق پەن ىنتىماقتاستىق قاعيداتتارىنا ادال بولىپ قالا بەرەمىز جانە قازاقستانعا تىكەلەي شەتەلدىك ينۆەستيسيالاردى باسەكەگە قابىلەتتى جاعدايلاردا تارتۋ ءۇشىن قولايلى جاعدايلار جاساۋدى جالعاستىرامىز»، – دەپ مالىمدەدى نۇرلان بايبازاروۆ
