قازاقستان مەن ۆەتنام اراسىنداعى ساۋدا-ەكونوميكالىق ىنتىماقتاستىقتى كەڭەيتۋ مەسەلەلەرٸ ٷكٸمەت دەڭگەيٸندە تالقىلاندى, دەپ حابارلايدى Dala News.
پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين ۆەتنام سوتسياليستٸك رەسپۋبليكاسى پرەمەر-مينيسترٸنٸڭ تۇراقتى ورىنباسارى نگۋەن حوا بينمەن كەزدەستٸ. تاراپتار سوڭعى 30 جىلدان استام ۋاقىتتا ەكٸ ەل اراسىنداعى ساياسي ديالوگتىڭ تۇراقتى دامىپ كەلە جاتقانىن جەنە ٷكٸمەتارالىق, پارلامەنتتٸك بايلانىستاردىڭ نىعايعانىن اتاپ ٶتتٸ.
سەرٸك جۇمانعاريننٸڭ ايتۋىنشا, قازاقستان مەن ۆەتنام باسشىلارى ساۋدا, ينۆەستيتسييا, كٶلٸك جەنە لوگيستيكا, اگروٶنەركەسٸپ كەشەنٸ مەن اقپاراتتىق تەحنولوگييالار سالالارىندا ىنتىماقتاستىقتى تەرەڭدەتۋ جٶنٸندە ناقتى باعىت ايقىنداعان. قازاقستان 2026 جىلعا دەيٸن ٶزارا تاۋار اينالىمىن ەكٸ ەسەگە ۇلعايتۋدى ماقسات ەتٸپ وتىر جەنە بيىلعى جىلدىڭ ورتاسىندا ۆەتنامعا ساۋدا-ەكونوميكالىق ميسسييا جٸبەرۋگە دايىن.
كەزدەسۋ بارىسىندا قازاقستاننىڭ ۆەتنامعا سەگٸز جىلدىق ٷزٸلٸستەن كەيٸن العاش رەت 15 مىڭ توننادان استام بيداي ەكسپورتتاعانى ايتىلدى. 2025 جىلى مۋلتيمودالدى لوگيستيكا ارقىلى كونتەينەرلەردٸ قايتا تيەۋسٸز العاشقى تٸكەلەي جەتكٸزٸلٸمدەر ٸسكە قوسىلىپ, بۇل تاسىمال مەرزٸمٸ مەن شىعىندارىن قىسقارتۋعا مٷمكٸندٸك بەرگەن. اتالعان تەجٸريبە قازاقستاندى وڭتٷستٸك-شىعىس ازييا ەلدەرٸ ٷشٸن سەنٸمدٸ ازىق-تٷلٸك جەتكٸزۋشٸ رەتٸندە تانىتۋعا جول اشادى.
سونىمەن قاتار ەكسپورتتىق ەلەۋەتتٸ ۇن, ەت جەنە سٷت ٶنٸمدەرٸ, سونداي-اق مايلى داقىلدار ەسەبٸنەن كەڭەيتۋ مٷمكٸندٸگٸ تالقىلاندى. وسى ورايدا قازاقستاندىق تاراپ ۆەتەرينارييا سالاسىنداعى ىنتىماقتاستىق تۋرالى كەلٸسٸمدٸ جەدەلدەتٸپ, ونى اۋىل شارۋاشىلىعى جٶنٸندەگٸ كٸشٸ كوميتەتتٸڭ ەكٸنشٸ وتىرىسىندا قول قويۋدى ۇسىندى.
ينۆەستيتسييالىق باعىتتا دا ٸلگەرٸلەۋ بار. قازاقستاندا ۆەتنامدىق كاپيتالدىڭ قاتىسۋىمەن بٸرقاتار جوبا جٷزەگە اسىرىلىپ جاتىر. ولاردىڭ قاتارىندا الماتى وبلىسىنداعى Ak Bulak Village تۋريستٸك كەشەنٸ مەن قوناەۆ قالاسىنداعى «ارنا» يندۋسترييالىق ايماعىندا 90 ملن دوللار كٶلەمٸندەگٸ ينۆەستيتسييامەن سالىناتىن ازىق-تٷلٸك ٶندٸرٸسٸ زاۋىتى بار.
تاراپتار ساۋدا-ەكونوميكالىق جەنە عىلىمي-تەحنيكالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ ماڭىزىن اتاپ ٶتٸپ, ونىڭ كەلەسٸ وتىرىسىن ماۋسىم–شٸلدە ايلارىندا ٶتكٸزۋ مٷمكٸندٸگٸن قاراستىردى. سونداي-اق بيىل قازاقستان–ۆەتنام ٸسكەرلٸك كەڭەسٸن قۇرۋ تۋرالى مەموراندۋمعا قول قويۋ ۇسىنىلدى.
كەزدەسۋ قورىتىندىسى بويىنشا ۆەتنامدىق تاراپ ٸسكەرلٸك كەڭەس قۇرۋ باستاماسىن قولداپ, ەكٸ ەل اراسىنداعى ساۋدا كٶلەمٸن ودان ەرٸ ارتتىرۋعا ايتارلىقتاي ەلەۋەت بار ەكەنٸن مەلٸمدەدٸ.
