استانادا قر پرەمەر-مينيسترٸ ولجاس بەكتەنوۆ ەلٸمٸزگە العاشقى رەسمي ساپارىمەن كەلگەن قىرعىز مينيسترلەر كابينەتٸنٸڭ تٶراعاسى – پرەزيدەنت ەكٸمشٸلٸگٸنٸڭ باسشىسى ادىلبەك قاسىماليەۆ شاعىن جەنە كەڭەيتٸلگەن قۇرامدا كەلٸسسٶزدەر جٷرگٸزدٸ, – دەپ حابارلايدى Dalanews.kz.
تاراپتار قازاقستان پرەزيدەنتٸ قاسىم-جومارت توقاەۆ پەن قىرعىزستان پرەزيدەنتٸ سادىر جاپاروۆ اراسىندا قول جەتكٸزٸلگەن ۋاعدالاستىقتاردىڭ جٷزەگە اسىرىلۋ بارىسىن قارادى. وندا ساۋدا-ەكونوميكالىق, ينۆەستيتسييالىق, ترانزيتتٸك-كٶلٸك, سۋ-ەنەرگەتيكالىق, تۋريستٸك, مەدەني-گۋمانيتارلىق ىنتىماقتاستىق, سونداي-اق اٶك-كە قاتىستى مەسەلەلەردٸڭ كەڭ اۋقىمى قامتىلدى.
– مەملەكەت باسشىلارىمىزدىڭ ٶزارا سەنٸم مەن شىنايى دوستىق رۋحىنداعى تۇراقتى بايلانىستارى بٸزدٸڭ كٶپقىرلى قاتىناستارىمىزدى جاڭا بەلەستەرگە كٶتەرۋگە ىقپال ەتتٸ. ساۋدا بايلانىستارىن نىعايتۋ جەنە تەرەڭدەتۋ ەكٸ ەل ەكونوميكاسىنىڭ دامۋىنا مۋلتيپليكاتيۆتٸ ەسەر ەتەدٸ. ٶتكەن جىلدىڭ قورىتىندىسى بويىنشا ٶزارا ساۋدا كٶرسەتكٸشتەرٸ تاعى دا ارتىپ, $1,7 ملرد-تى قۇرادى. سونىمەن قاتار بٸز ساۋدا-ەكونوميكالىق ٶزارا ٸس-قيمىلدى ودان ەرٸ كەڭەيتۋ ٷشٸن ايتارلىقتاي ەلەۋەتتٸ كٶرٸپ وتىرمىز, – دەپ اتاپ ٶتتٸ ولجاس بەكتەنوۆ.
– شىن مەنٸندە, ەكٸ باۋىرلاس مەملەكەت اراسىنداعى ەكٸجاقتى ىنتىماقتاستىعى ەرەكشە ستراتەگييالىق سيپاتقا يە. ەجەلدەن باۋىرلاس حالىقتارىمىزدى عاسىرلار بويى قالىپتاسقان دوستىق, تاتۋ كٶرشٸلٸك جەنە تۋىسقاندىق قارىم-قاتىناس, ورتاق مەدەنيەت, تٸل, تٸپتٸ سالت-دەستٷرٸمٸز بايلانىستىرادى. بۇل كەزدەسۋ ەكٸ تاراپتى دا قىزىقتىراتىن كٶپتەگەن مەسەلەلەر بويىنشا پٸكٸر الماسۋعا, ەكٸ ەلدٸڭ مٷددەلەرٸنە ساي كەلەتٸن جاڭا ۇسىنىستار ەزٸرلەۋگە مٷمكٸندٸك بەرەدٸ دەپ سەنەمٸن, – دەپ اتاپ ٶتتٸ ادىلبەك قاسىماليەۆ.
كەلٸسسٶزدەر بارىسىندا ەلەۋەتتٸ اشۋ جەنە تاۋار اينالىمىن ارتتىرۋ تەتٸكتەرٸ تالقىلاندى.
ترانزيتتٸك-كٶلٸك سالاسىندا قازاق-قىرعىز شەكاراسىنىڭ ٶتكٸزۋ قابٸلەتٸن ارتتىرۋ بويىنشا كەشەندٸ شارالار ٸسكە اسىرىلۋدا. شەكارادا «اقسۋ» – «كامىشانوۆكا» جەنە «بەساعاش» – «كيچي-كاپكا» بەكەتتەرٸ سيياقتى اۆتوموبيل ٶتكٸزۋ پۋنكتتەرٸن جاڭعىرتۋ جەنە كەڭەيتۋ جۇمىستارى جٷرگٸزٸلۋدە. سونداي-اق «سورتٶبە» – «توكموك» جەنە «اۋقاتتى» – «كەن-بۋلۋن» ٶتكٸزۋ بەكەتتەرٸن دامىتۋ جوسپارلانعان.
سۋ-ەنەرگەتيكا سالاسىنداعى ىنتىماقتاستىققا ەرەكشە كٶڭٸل بٶلٸنەدٸ. شۋ جەنە تالاس ٶزەندەرٸ بويىندا ۆەگەتاتسييالىق كەزەڭدە سۋمەن قامتاماسىز ەتۋ, كيروۆ سۋ قويماسىن قاۋٸپسٸز پايدالانۋ جەنە ٶڭٸرلٸك ەنەرگەتيكالىق قاۋٸپسٸزدٸك مەسەلەلەرٸ تالقىلاندى.
تۋريزم – ٶزارا تيٸمدٸ ىنتىماقتاستىقتىڭ ماڭىزدى باعىتى. جاڭا تۋريستٸك باعىتتاردى دامىتۋ شارالارى ونىڭ ٸشٸندە, ترانسشەكارالىق ەكو-باعىتتار قۇرۋ, بەلسەندٸ تۋريزم ٷشٸن ينفراقۇرىلىمدى دامىتۋ جەنە قوناق ٷي بيزنەسٸنە ينۆەستيتسييالار تارتۋ مەسەلەلەرٸ تالقىلاندى.
مەدەني-گۋمانيتارلىق ىنتىماقتاستىق جەلٸسٸ بويىنشا بيىل قىرعىزستاندا قازاق كينوسى كٷندەرٸن ٶتكٸزۋ جوسپارلانعان, سونداي-اق قىرعىزستان اۋماعىندا قازاقستاندىق جوعارى وقۋ ورىندارىنىڭ فيليالدارىن اشۋ مەسەلەلەرٸ پىسىقتالۋدا.
كەلٸسسٶزدەر قورىتىندىسى بويىنشا پرەمەر-مينيستر ولجاس بەكتەنوۆ قازاقستان ٷكٸمەتٸ قازاق-قىرعىز ساۋدا-ەكونوميكالىق ەرٸپتەستٸگٸنٸڭ جوعارى سەرپٸنٸن قولداۋعا دايىن ەكەنٸن اتاپ ٶتتٸ.
