بيىل 1 مامىردا ماقتارال اۋدانىنا جاقىن ٶزبەكستاندا ساردوبا سۋ قويماسى جارىلىپ, تٶتەنشە جاعداي جارييالانعان. سونىڭ سالدارىنان تٷركٸستان وبلىسىنىڭ ماقتارال اۋدانىندا 845 ٷي, 3 مەكتەپ, 5 بالاباقشا, 4 مەديتسينا عيماراتى مەن مەدەنيەت ٷيٸ جەنە 54,7 شاقىرىم كٶپٸر مەن جولدى سۋ العان. مۇنان ٶزگە 7639 گا ەگٸستٸك سۋ استىندا قالعان.
وسىعان بايلانىستى قازاقستان ٶزبەكستانعا نارازىلىق نوتا جولداپ, تٷركٸستان وبلىسىنىڭ 10 اۋىلىن سۋعا كەتٸرگەن ساردوبا سۋ قويماسىنداعى اپات جايلى تولىق اقپارات بەرۋدٸ تالاپ ەتپەك بولعان.
قازاقستان اقپارات قۇرالدارى ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرگەي گروموۆتىڭ سٶزٸنشە, حالىقارالىق نورما بويىنشا, شەكارا بويىنداعى سۋعا سالىناتىن گيدروتەحنيكالىق قۇرىلىس جايلى شەكتەس مەملەكەتتەرگە حابار الىسىپ, ٶزارا كەلٸسٸلۋٸ تيٸس. ال ساردوبا سۋ قويماسى قازاقستاننىڭ كەلٸسٸمٸنسٸز سالىنعان.
ٶزبەكستان ساردوبا سۋ قويماسىنان زارداپ شەككەن قازاقستان ەلدٸمەكەندەرٸنە تەحنيكا جٸبەرٸپ, زاردابىن جويۋعا كٶمەكتەسكەن ەدٸ. سۋ قويماسىنىڭ جارىلۋىنان ٶزبەكستاننىڭ ٶز جەرٸ دە زارداپ شەگٸپ, ونداعان مىڭ ادام ٷي-جايىن تاستاپ كەتۋگە مەجبٷر بولعان.
اقوردا حابارىنا قاراعاندا, بٷگٸن 6 جەلتوقساندا قازاقستان پرەزيدەنتٸ قاسىم-جومارت توقاەۆ نۇر-سۇلتاندا ٶزبەكستان پرەزيدەنتٸ شاۆكات ميرزيياەۆپەن كەڭەيتٸلگەن قۇرامدا كەلٸسسٶز جٷرگٸزگەن.
قازاقستان پرەزيدەنتٸ قاسىم-جومارت توقاەۆ ەكٸ مەملەكەتتٸڭ ارا قاتىناسىنا "قازاق-ٶزبەك ىنتىماقتاستىعى بارلىق سالادا بۇرىن-سوڭدى بولماعان شىڭدارعا كٶتەرٸلدٸ" دەپ باعالاعان.
قاسىم-جومارت توقاەۆ پەن شاۆكات ميرزيياەۆ كەلٸسسٶزدەر قورىتىندىسى بويىنشا قازاقستان مەن ٶزبەكستان اراسىنداعى وداقتىق بايلانىستار تۋرالى دەكلاراتسيياعا قول قويعان.
بٷگٸن قازاقستانعا رەسمي ساپارمەن كەلگەن شاۆكات ميرزياەۆ بيىل ەكٸنشٸ مەرزٸمگە پرەزيدەنت بولىپ سايلانىپ, 6-قاراشادا انت قابىلداعان ەدٸ. باتىس باقىلاۋشىلارى ٶزبەكستانداعى پرەزيدەنت سايلاۋى سايلاۋدىڭ بەسەكەسٸز ٶتكەنٸن ايتتى.
شاۆكات ميرزيياەۆ 2016 جىلى اۆتوريتار باسشى يسلام كاريموۆ قازاسىنان كەيٸن پرەزيدەنت بولعان. يسلام كاريموۆكە قاراعاندا جۇمساق ساياسات جٷرگٸزە باستاعان ميرزيياەۆ ساياسي جەنە ەكونوميكالىق رەفورما جٷرگٸزگە ۋەدە بەرگەن, بٸراق باسىم بٶلٸگٸ ورىندالماعان.
