قازاقستان مەن ٶزبەكستان اراسىنداعى شەكارادا ۇزىندىعى بٸرنەشە شاقىرىمعا سوزىلعان كەپتەلٸس پايدا بولدى, دەپ حابارلايدى Dalanews.kz Gazeta.uz باسىلىمىنا سٸلتەمە جاساپ.
جٷرگٸزۋشٸلەردٸڭ ايتۋىنشا, ولار شەكارادا تەۋلٸكتەن استام ۋاقىتتان بەرٸ كەزەكتە تۇرۋعا مەجبٷر.
كەزەكتە تۇرعان ازاماتتاردىڭ كەيبٸرٸ قازاقستان جاعىندا شەكارادان تەز ٶتۋ ٷشٸن پارا سۇرايتىندار پايدا بولعانىن ايتادى.
"قازاقستان جاقتا بەس, ون, تٸپتٸ ون بەس مىڭ رۋبلگە شەكارادان جىلدام ٶتكٸزۋگە ۋەدە ەتەتٸن ادامدار پايدا بولعان. بۇل سۇمدىق قوي! بٸراق باسقا امال جوق. بٸرەۋلەر شىداماي اقشا بەرٸپ تە جاتىر", – دەيدٸ ٶزبەكستان تۇرعىنى يگور ايپكين.
كەپتەلٸستٸڭ اراسىندا تەجٸكستان نٶمٸرلٸ اۆتوكٶلٸكتەر دە ٶتە كٶپ. ولاردىڭ باسىم بٶلٸگٸ ٶزبەكستان ارقىلى ترانزيتپەن ٶتۋگە تىرىسىپ جاتىر, بٸراق كٶلٸك اعىنى مٷلدەم توقتاپ قالعان. بٸرنەشە كٷننەن كەيٸن قۇربان ايت مەيرامى باستالادى, ادامدار ٷيلەرٸنە تەزٸرەك جەتۋدٸ كٶزدەيدٸ, بٸراق شەكاراداعى قوزعالىس تۇرالاعان.
ٶزبەكستان ازاماتى گالينا نيكيتينا بٸرنەشە ساعاتتىق كەزەكتٸ كٶتەرە الماي, شەكارانى جاياۋ كەسٸپ ٶتكەنٸن ايتادى. ونىڭ كٷيەۋٸ كٶلٸگٸمەن باسقا پۋنكت – "ياللاماعا" ("ب. قونىسباەۆ") بارعانىمەن, ونداعى جاعداي دا وڭالا قويماعان.
"ول جاقتا دا شامامەن 150 كٶلٸك كەزەكتە تۇر. كٶبٸ "قاپلانبەكتەن" شىعىپ, بۇل جەردەن تەز ٶتەمٸز بە دەپ كەلگەندەر. سەگٸز ساعاتتا ٶزبەكستان اۋماعىنا بار-جوعى توعىز كٶلٸك ٶتتٸ. بۇل جەردە دە اقشا ٷشٸن ٶتكٸزٸپ بەرەتٸن ادامدار پايدا بولىپتى", – دەيدٸ ول.
ٶزبەكستاننىڭ كەدەن كوميتەتٸنٸڭ باسپاسٶز حاتشىسى حۋسەن تانگريەۆ Gazeta.uz باسىلىمىنا بەرگەن مەلٸمەتٸندە شەكارادا قولدان كەدەرگٸ جاسالماعانىن, بەكەتتەردٸڭ قالىپتى رەجيمدە جۇمىس ٸستەپ جاتقانىن مەلٸمدەدٸ.
"قازٸرگٸ كەزدە قازاقستان مەن ٶزبەكستان تاراپى شەكارانىڭ ٶتكٸزۋ قابٸلەتٸن ارتتىرۋ جەنە قوسىمشا باعىتتار اشۋ مەسەلەلەرٸن تالقىلاپ جاتىر", – دەدٸ تانگريەۆ.
