تاراپتار ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى قازاقستان-وڭتٷستٸك كورەيا ىنتىماقتاستىعىنىڭ جاي-كٷيٸ مەن دامۋ پەرسپەكتيۆالارىن, سونداي-اق كٶپجاقتى فورماتتاعى ٶزارا ٸس-قيمىلدى تالقىلادى.
قر سىرتقى ساياسي ۆەدومستۆوسىنىڭ باسشىسى مۇرات نۇرتٸلەۋ كورەيا رەسپۋبليكاسى قازاقستاننىڭ ازيياداعى نەگٸزگٸ ەرٸپتەستەرٸنٸڭ بٸرٸ ەكەنٸن اتاپ ٶتتٸ. «دوستىق پەن ٶزارا سەنٸمگە نەگٸزدەلگەن وڭتٷستٸك كورەيامەن ەرٸپتەستٸكتٸ دامىتۋ – ەلٸمٸزدٸڭ سىرتقى ساياساتىنداعى ماڭىزدى باسىمدىقتارىنىڭ بٸرٸ. قازاقستاندا جۇمىس ٸستەۋگە نيەتتٸ كورەي كومپانييالارى ٷشٸن قولايلى جاعداي جاساۋعا بٸز تولىق دايىنبىز», – دەدٸ مينيستر.
ٶز كەزەگٸندە, مينيستر پاك جين سەۋل ەكٸ ەل اراسىندا قالىپتاسقان سەنٸمدٸ قاتىناستار نەگٸزٸندە كورەي-قازاق كەڭەيتٸلگەن ستراتەگييالىق ەرٸپتەستٸگٸن دامىتۋعا نيەتتٸ ەكەنٸن ايتتى. ول قازاقستاندا جٷرگٸزٸلٸپ جاتقان ەلەۋمەتتٸك-ەكونوميكالىق رەفورمالار مەن ساياسي ٶزگەرٸستەردٸ جوعارى باعالادى. «بٸز ەكونوميكالىق دامۋ سالاسىنداعى ٶز تەجٸريبەمٸز نەگٸزٸندە قازاقستانعا قولداۋ كٶرسەتۋدٸ ودان ەرٸ دە جالعاستىراتىن بولامىز» - دەدٸ وڭتٷستٸك كورەيا سٸم باسشىسى.
تاراپتار ەكٸ ەل اراسىنداعى ٶزارا ٸس-قيمىلدى نىعايتۋعا, ونىڭ ٸشٸندە ساۋدا-ەكونوميكالىق جەنە ينۆەستيتسييالىق ىنتىماقتاستىقتى ارتتىرۋ جولىمەن ٶزارا مٷددەلٸلٸك بٸلدٸردٸ. 2022 جىلدىڭ قورىتىندىسى بويىنشا 6,1 ملرد اقش دوللارىنا جەتكەن ٶزارا تاۋار اينالىمىنىڭ ەكٸ ەسە ۇلعايۋى قاناعاتتانۋشىلىقپەن اتالىپ ٶتتٸ.
وڭتٷستٸك كورەيا – قازاقستانداعى ەڭ ٸرٸ 10 ينۆەستوردىڭ بٸرٸ جەنە ازييادا اۋقىمى جاعىنان ەكٸنشٸ ساۋدا سەرٸكتەسٸ. قر ەكونوميكاسىنا سالىنعان كورەي تٸكەلەي ينۆەستيتسييالار كٶلەمٸ 1,5 ملرد اقش دوللارىنا جەتتٸ. بۇل ەكٸجاقتى ينۆەستيتسييالىق ىنتىماقتاستىق تاريحىنداعى ەڭ ٷلكەن كٶرسەتكٸش. قازاقستاندا كورەي بيزنەسٸنٸڭ قاتىسۋىمەن 740 كومپانييا تٸركەلٸپ, 28 ٸرٸ جوبا ٸسكە اسىرىلدى.
قر-داعى «التىن كٶپٸردەي» ەكٸ ەل اراسىنداعى دوستىقتى نىعايتۋعا ىقپال ەتەتٸن كورەي دياسپوراسىنىڭ رٶلٸنە ەرەكشە نازار اۋدارىلدى. بٷگٸنگٸ تاڭدا قازاقستاندا 119 مىڭنان استام ەتنيكالىق كەرٸستەر تۇرادى.
سونىمەن قاتار قازاقستان مەن وڭتٷستٸك كورەيانىڭ سىرتقى ساياسي ۆەدومستۆولارىنىڭ باسشىلارى كٶپتەگەن ٶڭٸرلٸك جەنە حالىقارالىق مەسەلەلەر بويىنشا ەلدەردٸڭ ۇقساس ۇستانىمداردا ەكەنٸن, ال كٶپجاقتى ديپلوماتييادا ٶزارا قولداۋ جولعا قويىلعانىن اتاپ ٶتتٸ.
ەكٸ ەل ازاماتتارىنىڭ ەڭبەك جەنە كٶشٸ-قون قۇقىقتارىن قامتاماسىز ەتۋ مەسەلەلەرٸ كەلٸسسٶزدەردٸڭ جەكە تاقىرىبى بولدى. م. نۇرتٸلەۋ قازاقستان ازاماتتارىنىڭ وڭتٷستٸك كورەيادا زاڭدى تٷردە جۇمىسقا ورنالاسۋىن قامتاماسىز ەتۋدٸڭ ماڭىزدىلىعىنا, ەسٸرەسە قازاقستاندى كورەيانىڭ «ەڭبەككە رۇقسات بەرۋ جٷيەسٸنٸڭ» تٸزٸمٸنە قوسۋعا نازار اۋداردى.
تاراپتار مٷددەلٸلٸك تانىتىپ وتىرعان بارلىق مەسەلەلەر بويىنشا ٷزدٸكسٸز جەنە دەيەكتٸ جۇمىستى جالعاستىرۋ ٷشٸن 2023-2024 جىلدارعا ارنالعان سىرتقى ٸستەر مينيسترلٸكتەرٸ اراسىنداعى ىنتىماقتاستىق جٶنٸندەگٸ ٶزارا تٷسٸنٸستٸك تۋرالى مەموراندۋمعا قول قويدى.
