وڭتٷستٸك كورەيا پرەزيدەنتٸ لي چجە ميون قازاقستان پرەزيدەنتٸ قاسىم-جومارت توقاەۆقا ۇيىمداسقان قىلمىستىق توپ مٷشەلەرٸن ۇستاۋعا كٶرسەتكەن قولداۋى ٷشٸن العىس بٸلدٸردٸ. بۇل تۋرالى ول ٶزٸنٸڭ X ەلەۋمەتتٸك جەلٸسٸندەگٸ پاراقشاسىندا جازدى, دەپ حابارلايدى dalanews.kz.
كورەيا باسشىسىنىڭ مەلٸمەتٸنشە, كامبودجا مەن ۆەتنام ارقىلى قازاقستانعا جاسىرىن كٸرٸپ, كورەيالىق ازاماتتارعا قارسى تەلەفون الاياقتىعىمەن اينالىسقان ۇيىمداسقان قىلمىستىق توپتىڭ مٷشەلەرٸ جەرگٸلٸكتٸ جەردە ۇستالعان. ۇستالعاندار ەكٸ اپتا ٸشٸندە تولىقتاي وڭتٷستٸك كورەياعا جەتكٸزٸلٸپ, قازٸر ولارعا قاتىستى تەرگەۋ امالدارى جٷرگٸزٸلٸپ جاتىر.
قازاقستاننىڭ كٶمەگٸ اتالىپ ٶتتٸ
لي چجە ميون قىلمىسكەرلەردٸ ۇستاۋدان باستاپ ەلگە قايتارۋعا دەيٸنگٸ جۇمىستاردىڭ جەدەل ورىندالۋى قازاقستان تاراپىنىڭ قولداۋىنىڭ ارقاسىندا مٷمكٸن بولعانىن اتاپ ٶتتٸ.
– بۇل نەتيجە قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ مىرزانىڭ جەنە ۇلتتىق قاۋٸپسٸزدٸك كوميتەتٸنٸڭ بەلسەندٸ قولداۋى مەن ىنتىماقتاستىعىنىڭ ارقاسىندا جٷزەگە استى. پرەزيدەنت قاسىم-جومارت توقاەۆقا جەنە بارلىق تيٸستٸ تاراپتارعا شىنايى العىسىمدى بٸلدٸرەمٸن, – دەپ جازدى كورەيا پرەزيدەنتٸ.
سامميتتە جەكە العىس ايتپاق
سونداي-اق ول الداعى ايدا ٶتەتٸن «كورەيا رەسپۋبليكاسى – ورتالىق ازييا» سامميتٸ اياسىندا قاسىم-جومارت توقاەۆپەن كەزدەسٸپ, العىسىن جەكە جەتكٸزۋگە نيەتتٸ ەكەنٸن مەلٸمدەدٸ.
كورەيا پرەزيدەنتٸ ۇيىمداسقان قىلمىسقا قارسى كٷرەستە ەشقانداي جەڭٸلدٸك بولمايتىنىن ايتىپ, زاڭ بۇزۋشىلار قاي جەردە جاسىرىنسا دا جاۋاپكەرشٸلٸككە تارتىلاتىنىن جەتكٸزدٸ.
– كورەيا ازاماتتارىنىڭ قاۋٸپسٸزدٸگٸ مەن بەيبٸت ٶمٸرٸنە قاۋٸپ تٶندٸرەتٸن قىلمىستارعا ەشقانداي ەرەكشەلٸك جاسالمايدى. ولار قاي جەردە جٷرسە دە, سوڭىنا دەيٸن ٸزدەستٸرٸلٸپ, مٸندەتتٸ تٷردە زاڭ الدىندا جاۋاپ بەرەدٸ, – دەدٸ لي چجە ميون.
