قازاقستان مەكتەپتەرٸندە وقۋشىلاردىڭ ۇيالى تەلەفون قولدانۋىنا شەكتەۋ قويىلدى. الايدا ٷزٸلٸس كەزٸندە تەلەفون پايدالانۋعا رۇقسات بەرٸلۋٸ مٷمكٸن, دەپ حابارلايدى dalanews.kz.
بۇل تۋرالى ٷكٸمەتتەگٸ بريفينگتە وقۋ-اعارتۋ بٸرٸنشٸ ۆيتسە-مينيسترٸ شىنار اقپاروۆا مەلٸمدەدٸ.
«ەرەجەدە بالالاردىڭ وقۋ پروتسەسٸ كەزٸندە ۇيالى تەلەفونداردى پايدالانبايتىنى بەلگٸلەنگەن. ونى تەك قىسقا مەرزٸمدٸ جوسپارعا, ياعني وقۋ باعدارلاماسىنا سەيكەس قاجەت بولعان جاعدايدا قولدانۋعا بولادى», - دەدٸ شىنار اقپاروۆا.
ۆيتسە-مينيستردٸڭ ايتۋىنشا, ٷزٸلٸس كەزٸندە تەلەفون قولدانۋعا مٷمكٸندٸك بار. الايدا بۇل مەسەلەنٸ ەر مەكتەپ ٶز ٸشكٸ تەرتٸبٸمەن رەتتەيدٸ.
«بۇل مٷمكٸن. بٸرىڭعاي تالاپتار ەزٸرلەندٸ. وسى تالاپتار نەگٸزٸندە بٸلٸم بەرۋ ۇيىمى بارلىق ۇيىمداستىرۋ مەسەلەسٸن ٶزٸنٸڭ ٸشكٸ تەرتٸبٸمەن رەتتەيدٸ», - دەدٸ ول.
وقۋشىلاردىڭ تەلەفوندارىن قايدا جەنە كٸمگە تاپسىراتىنىن دا مەكتەپتەردٸڭ ٶزٸ شەشەدٸ. مەسەلەن, قۇرىلعىلار سىنىپتا ارنايى جەردە نەمەسە جەكە جەشٸكتەردە ساقتالۋى مٷمكٸن.
بۇل تالاپتار مەكتەپتەردٸڭ ٸشكٸ ەرەجەسٸندە ناقتىلانادى.
