Qazaqstan mektepterinde oqýshylardyń uialy telefon qoldanýyna shekteý qoiyldy. Alaida úzilis kezinde telefon paidalanýǵa ruqsat berilýi múmkin, dep habarlaidy dalanews.kz.
Bul týraly Úkimettegi brifingte Oqý-aǵartý birinshi vitse-ministri Shynar Aqparova málimdedi.
«Erejede balalardyń oqý protsesi kezinde uialy telefondardy paidalanbaityny belgilengen. Ony tek qysqa merzimdi josparǵa, iaǵni oqý baǵdarlamasyna sáikes qajet bolǵan jaǵdaida qoldanýǵa bolady», - dedi Shynar Aqparova.
Vitse-ministrdiń aitýynsha, úzilis kezinde telefon qoldanýǵa múmkindik bar. Alaida bul máseleni ár mektep óz ishki tártibimen retteidi.
«Bul múmkin. Biryńǵai talaptar ázirlendi. Osy talaptar negizinde bilim berý uiymy barlyq uiymdastyrý máselesin óziniń ishki tártibimen retteidi», - dedi ol.
Oqýshylardyń telefondaryn qaida jáne kimge tapsyratynyn da mektepterdiń ózi sheshedi. Máselen, qurylǵylar synypta arnaiy jerde nemese jeke jáshikterde saqtalýy múmkin.
Bul talaptar mektepterdiń ishki erejesinde naqtylanady.
