جيىنعا استانا، الماتى، شىمكەنت قالالارى مەن وبلىستار ءماسليحاتتارىنىڭ حاتشىلارى قاتىستى. جيىندى «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگىنىڭ ءتوراعاسى تولەۋبەك تولەۋ ۇلى مۇقاشيەۆ جۇرگىزىپ وتىردى.
جيىندا جۋىردا ەلىمىزدە وتەتىن ماڭىزدى وقيعا – قازاقستان رەسپۋبليكاسى پرەزيدەنتتىگىنە «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگىنىڭ اتىنان ۇسىنىلاتىن كانديداتتى ايقىنداۋ، جالپىحالىقتىق رەفەرەندۋمنان كەيىنگى قازاقستاننىڭ جاڭا ساياسي ارناعا ءتۇسۋىنىڭ تاريحي ساتىندە جۇزەگە اسىرىلعالى وتىرعان وزگەرىستەردى تالقىلاۋ جانە پىكىر الماسۋ، ۇسىنىس ءبىلدىرۋ سىندى ماسەلەلەر قارالدى.
وزدەرىڭىزگە بەلگىلى، قازاقستان رەسپۋبليكاسىنىڭ پرەزيدەنتتىگىنە كانديداتتاردى ساياسي پارتيالار مەن رەسپۋبليكالىق قوعامدىق بىرلەستىكتەر ۇسىنا الادى. وسى ورايدا، «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگى ءتوراعاسىنىڭ ورىنباسارى - تۇركىستان وبلىستىق ءماسليحاتىنىڭ حاتشىسى قايرات راحىم ۇلى بالابييەۆ رەسپۋبليكالىق قوعامدىق بىرلەستىكتىڭ اتىنان قازاقستان رەسپۋبليكاسى پرەزيدەنتتىگىنە كانديدات رەتىندە قاسىم-جومارت كەمەل ۇلى توقايەۆتى ۇسىندى. ول ءوز سوزىندە:
– پرەزيدەنتىمىز قاسىم-جومارت كەمەل ۇلى توقايەۆ اسا سالماقتى ساياساتكەر، بيىك پاراساتتىڭ يەسى، تەرەڭ ءبىلىمدى ديپلومات، كەمەل باسشى، تەك ەلىمىزگە عانا ەمەس، بۇكىل الەمگە بەلگىلى ءىرى تۇلعا، ساياسات ساحناسىندا شىڭدالعان، تاۋەلسىزدىگىمىزدى نىعايتۋعا وراسان زور ۇلەس قوسقان مەملەكەت قايراتكەرى.
بۇگىندە پرەزيدەنتىمىز اسا كۇردەلى گەوساياسي جاعدايدا جاڭا قازاقستاننىڭ نەگىزىن قالاپ، ونىڭ كوشىن باستاپ كەلەدى. شىندىعىندا، ادىلەتتى قازاقستان قۇرۋ جولىندا ەلىمىزدە اۋقىمدى رەفورمالار قولعا الىنىپ، ساياسي مادەنيەتتىڭ قالىپتاسا باستاۋى بارشامىزدى قۋانتادى.
سوندىقتان، قاسىم-جومارت كەمەل ۇلى توقايەۆتىڭ كانديداتۋراسىن قولدايمىز جانە قازاقستانىمىزدىڭ كوشىن باستاۋعا لايىقتى تۇلعا دەپ بىلەمىز. ونىڭ قازاقستاندىقتاردى سارا جولدان اداستىرماي، بيىكتەرگە باستاي بەرەتىنىنە بەك سەنىمدىمىن، – دەدى.
ءوز كەزەگىندە، جيىنعا قاتىسۋشىلار قاسىم-جومارت كەمەل ۇلى توقايەۆتى قازاقستان رەسپۋبليكاسى پرەزيدەنتتىگىنە كانديدات رەتىندە قىزۋ قولداپ، ءبىراۋىزدان ۇسىندى.
