قازاقستاندا دەرٸ-دەرمەك ٶندٸرٸسٸنٸڭ ارتۋى كٷتٸلەدٸ. بۇل تۋرالى ٷكٸمەت وتىرىسىندا ايتىلدى, - دەپ حابارلايدى Dalanews.kz ٷكٸمەتتٸڭ باسپاسٶز قىزمەتٸنە سٸلتەپ.
قر پرەمەر-مينيسترٸ ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا قازاقستاننىڭ فارماتسەۆتيكالىق ٶنەركەسٸبٸ 207 ٶندٸرۋشٸنٸ قامتيتىنىن, ونىڭ 43-ٸ دەرٸلٸك زاتتاردى ٶندٸرۋشٸلەر ەكەنٸن ايتتى.
2024 جىلى وتاندىق فارماتسەۆتيكالىق ٶنٸم ٶندٸرۋ كٶلەمٸ 124 ملرد تەڭگەگە دەيٸن ۇلعايدى ٶسٸم 18%-دى قۇرادى.
«2024 جىلى ۇزاق مەرزٸمدٸ كەلٸسٸمشارتتار بويىنشا فارماتسەۆتيكالىق ٶنٸمنٸڭ 702 تٷرٸ ساتىپ الىندى. 2025 جىلى ٶندٸرٸس كٶلەمٸن 1 728 دەيٸن ۇلعايتۋ جوسپارلانۋدا», - دەپ اتاپ ٶتتٸ اقمارال ەلنازاروۆا.
مينيستر يمپورتتى الماستىرۋ جٶنٸندەگٸ جۇمىستاردى جالعاستىرۋ شەڭبەرٸندە 2025 جىلدان باستاپ قولدانىستاعى وتاندىق تاۋار ٶندٸرۋشٸلەردٸ قولداي وتىرىپ شىعارىلاتىن وتاندىق پرەپاراتتاردىڭ تٸزبەسٸ كەڭەيتٸلەتٸنٸن ايتتى.
جاھاندىق حالىقارالىق فارماتسەۆتيكالىق كومپانييالارمەن ىنتىماقتاستىق جانداندىرىلادى, سونداي-اق, وفتەيك كەلٸسٸمشارتتاردى ەنگٸزە وتىرىپ, ۇزاق مەرزٸمدٸ شارتتار جاساسۋ تالاپتارى قايتا قارالاتىن بولادى.
دەنساۋلىق ساقتاۋ مينيسترٸ اقمارال ەلنازاروۆا حالىقتى دەرٸ-دەرمەكپەن قامتاماسىز ەتۋ بويىنشا قابىلدانىپ جاتقان شارالار تۋرالى دا باياندادى.
ونىڭ ايتۋىنشا, بيىل امبۋلاتورييالىق جەنە ستاتسيونارلىق دەڭگەيدە دەرٸ-دەرمەكپەن قامتاماسىز ەتۋگە رەسپۋبليكالىق بيۋدجەتتەن 474 ملرد تەڭگە, ال جەرگٸلٸكتٸ بيۋدجەتتەن 26,7 ملرد تەڭگە قاراجات جۇمسالدى.
