قازاقستاننىڭ دامۋ بانكى جالپى كولەمى 500 ملن دوللار بولاتىن بەس جىلعا ارنالعان باعالى قاعازدار شىعارادى. بانك بۇرىن مالىمدەگەندەي، وسى تاسىلمەن تارتىلعان قاراجات يەلەرى ءۇشىن تيىمدىرەك بولىپ تابىلاتىن الدىندا شىعارىلعان باعالى قاعازداردى (buyback) كەرى ساتىپ الىپ ءۇشىن قارجىلاندىرۋعا باعىتتالادى، دەپ حابارلايدى Dalanews.kz قازاقستان قور بيرجاسىنىڭ (KASE) باسپا ءسوز قىزمەتىنە سىلتەمە جاساپ.
قدب-نىڭ جاڭا وبليگاسيالارى بويىنشا كۋپوننىڭ جىلدىق سىياقى مولشەرلەمەسى 5،625% قۇرايدى، ول جارتى جىلدا ءبىر رەت تولەنەتىن بولادى. ول تەك KASE-دە عانا ەمەس، ۆەنا قور بيرجاسىندا دا قولجەتىمدى. شىعارىلعان كەزدەگى باعالى قاعازداردىڭ كىرىستىلىگى 5،7%-دى قۇرايدى، ويتكەنى وبليگاسيالار بيرجادا نومينالدى قۇنىنىڭ 0،322% ديسكونتىمەن ساتىلاتىن بولادى. وسىلايشا، قدب 498 ميلليون دوللار كولەمىندە قارجى تارتۋدى جوسپارلاپ وتىر.
جاڭا وبليگاسيانىڭ جيىنتىق سوماسى قدب-نىڭ مەنشىكتى كاپيتالىنىڭ شامامەن 27،3%-ىن قۇرايدى. ءاربىر قاعازدىڭ نومينالدى قۇنى - 1 مىڭ دوللار، ەڭ تومەنگى لوت – جالپى قۇنى 200 مىڭ دوللار بولاتىن 200 باعالى قاعاز. الەۋەتتى ساتىپ الۋشى ۇسىنىس سوماسىن 1 مىڭ دوللاردان ($201 مىڭ، $202 مىڭ جانە ت.س.س.) باستاپ ارتتىرا الادى.
بۇعان دەيىن قدب سوماسى 325،1 ملن دوللارعا دەيىنگى ەۋرووبليگاسيالارىن قايتا ساتىپ الاتىنىن مالىمدەگەن بولاتىن. وسى مامىلەنى قارجىلاندىرۋعا جۇمسالاتىن قارجىنى بولاشاق جاڭا شىعارىلىم ارقىلى تارتىلاتىنى دا ايتىلعان.
بۇل ارادا نومينالدى قۇنى 1 دوللار، كۋپوندىق جىلدىق سىياقى مولشەرلەمەسى 5،75% جانە وتەۋ كىرىستىلىگى 5،95% بولاتىن 2022 جىلى شىعارىلعان باعالى قاعازدار تۋرالى ءسوز بولىپ وتىر. 2024 جىلى قدب بۇل شىعارىلىم بويىنشا ەكى رەت ساتىپ الۋ جۇرگىزدى. ءساۋىر ايىنان كەيىن 335،7 ميلليون دوللاردىڭ، ال قازان ايىنان كەيىن 325،1 ميلليون دوللاردىڭ باعالى قاعازى اينالىمدا ءجۇر.
قدب شيكىزاتتىق ەمەس سالالارداعى جەكە ينۆەستيسيالىق جوبالاردى، سونداي-اق مەملەكەتتىك ينفراقۇرىلىمدىق جوبالاردى قارجىلاندىرۋمەن اينالىسادى. ونىڭ جالعىز اكسيونەرى - ەكونوميكا مينيسترلىگىنە قاراستى "بايتەرەك" حولدينگى. قدب-نىڭ ءوزى، Forbes مالىمەتتەرى بويىنشا، ونەركاسىپتى دامىتۋ قورىنا جانە گوللانديالىق DBK Capital Structure Fund B. V-گە يەلىك ەتەدى.
