قازاقستان بۇۇ-نىڭ قاۋٸپسٸزدٸك كەڭەسٸنٸڭ تٶراعاسى مٸندەتٸن اتقارۋعا كٸرٸستٸ
سٸم-نٸڭ مەلٸمەتٸ بويىنشا, بۇۇ قاۋٸپسٸزدٸك كەڭەسٸنە مٷشە ەلدەردٸڭ تۇراقتى ٶكٸلدەرٸ قاڭتار ايىنداعى تٶراعالىق باعدارلاماسىن قاڭتاردىڭ 2-ٸ كٷنٸ قاراستىرىپ, قابىلدايدى دەپ جوسپارلانعان. سەيسەنبٸدە قاۋٸپسٸزدٸك كەڭەسٸ جۇمىسىنىڭ باعدارلاماسى تۋرالى بريفينگتەر ٶتكٸزٸلمەك. "قازاقستاننىڭ باستاماسىمەن قاۋٸپسٸزدٸك كەڭەسٸنٸڭ تۇراقتى ەمەس مٷشەلەرٸ رەتٸندە ەكٸ جىلدىق مەرزٸمگە سايلانعانىنا بايلانىستى قاۋٸپسٸزدٸك كەڭەسٸندە العاش رەت كوت-د'يۆۋار, كۋۆەيت, نيدەرلاند, پەرۋ, پولشا جەنە ەكۆاتوريالدى گۆينەيا ەلدەرٸنٸڭ تۋلارىن رەسمي تٷردە ورناتۋ رەسٸمٸ ٶتەدٸ" دەپ حابارلايدى سٸم.
قاڭتاردىڭ 18-ٸ كٷنٸ قازاقستان پرەزيدەنتٸ نۇرسۇلتان نازارباەۆتىڭ تٶراعالىعىمەن بۇۇ قاۋٸپسٸزدٸك كەڭەسٸ مٷشەلەرٸنٸڭ "جاپپاي قىرىپ-جويۋ قارۋىن تاراتپاۋ: سەنٸمدٸ نىعايتۋ شارالارى" تاقىرىبىندا جوعارى دەڭگەيدەگٸ تاقىرىپتىق پٸكٸرتالاستارى ٶتەدٸ. ساپار بارىسىندا, بۇعان دەيٸن حابارلانعانداي, نازارباەۆ اقش پرەزيدەنتٸ دونالد ترامپپەن كەزدەسەدٸ دەپ جوسپارلانعان.
استانا بۇۇ قاۋٸپسٸزدٸك كەڭەسٸنٸڭ تٶراعاسى قىزمەتٸندەگٸ باسىمدىقتارى رەتٸندە يادرولىق قارۋسىز ەلەمدٸ جاقىنداتۋ; جاھاندىق سوعىس قاتەرٸن بولدىرماۋ جەنە جەرگٸلٸكتٸ جانجالداردى رەتتەۋ; ايماقتىق قاۋٸپسٸزدٸك پەن ىنتىماقتاستىقتى نىعايتۋدا ورتالىق ازييانىڭ مٷددەلەرٸن ٸلگەرٸلەتۋ; تەرروريزمگە قارسى كٷرەس جەنە ٶزگە ماقساتتاردى اتاپ وتىر.
قازاقستان بيلٸگٸ تەۋەلسٸزدٸگٸن جارييالاعالى بەرٸ ٶتكەن 26 جىلدىڭ ٸشٸندە ەلدٸڭ ٷلكەن جەتٸستٸكتەرگە قول جەتكٸزگەنٸ جەنە ەلەمگە تانىمال بولعانى تۋرالى ايتادى. حالىقارالىق قۇقىق قورعاۋشى ۇيىمدار رەسمي استانانى ەلدە ٶزگە پٸكٸردەگٸلەردٸ قۋدالاپ, نەگٸزگٸ قۇقىقتار مەن بوستاندىقتاردى شەكتەيتٸنٸ جەنە تٷرمەدە ساياسي تۇتقىنداردى ۇستاپ وتىرعانى ٷشٸن سىناپ كەلەدٸ.
