2026 جىلدىڭ باسىنان بەرٸ قازاقستاننىڭ بانك سەكتورىنىڭ تازا پايداسى 1,196 ترلن تەڭگە بولدى. بۇل ٶتكەن جىلدىڭ سەيكەس كەزەڭٸمەن سالىستىرعاندا 13,3%-عا از. بۇل تۋرالى بانك سەكتورىنىڭ قارجىلىق كٶرسەتكٸشتەرٸ جٶنٸندەگٸ ەسەپتە ايتىلدى, دەپ حابارلايدى dalanews.kz.
2026 جىلعى 1 شٸلدەدەگٸ جاعداي بويىنشا بانكتەردٸڭ اكتيۆتەرٸنٸڭ تابىستىلىعى (ROA) 3,7%-دى قۇرادى. بٸر اي بۇرىن بۇل كٶرسەتكٸش 3,8% بولعان. ال مەنشٸكتٸ كاپيتالدىڭ تابىستىلىعى (ROE) 24,1%-عا دەيٸن تٶمەندەدٸ. 1 ماۋسىمداعى كٶرسەتكٸش – 25,2%.
بانك اكتيۆتەرٸ 74,2 ترلن تەڭگەگە جەتتٸ
2026 جىلعى 1 شٸلدەدە بانك سەكتورىنىڭ جالپى اكتيۆتەرٸ 74,2 ترلن تەڭگەنٸ قۇرادى. ەكٸنشٸ دەڭگەيلٸ بانكتەردٸڭ جوعارى ٶتٸمدٸ اكتيۆتەرٸ 21,9 ترلن تەڭگەگە نەمەسە بارلىق اكتيۆتەردٸڭ 29,6%-ىنا تەڭ بولدى. بۇل بانكتەردٸڭ ٶز مٸندەتتەمەلەرٸن تولىق كٶلەمدە ورىنداۋىنا مٷمكٸندٸك بەرەدٸ.
ەكونوميكاعا بەرٸلگەن نەسيە كٶلەمٸ ٶستٸ
ەكٸنشٸ دەڭگەيلٸ بانكتەردٸڭ ەكونوميكاعا بەرگەن نەسيە پورتفەلٸ 41,9 ترلن تەڭگەگە جەتتٸ. ماۋسىم ايىندا بۇل كٶرسەتكٸش 1,6%-عا, ال جىل باسىنان بەرٸ 4,3%-عا ٶستٸ. ٶسٸم نەگٸزٸنەن حالىققا بەرٸلگەن نەسيەلەردٸڭ ارتۋىمەن بايلانىستى. ۇلتتىق ۆاليۋتاداعى نەسيەلەر 1,2%-عا ٶسٸپ, 37,6 ترلن تەڭگەنٸ قۇرادى. ال شەتەل ۆاليۋتاسىنداعى نەسيەلەر كٶلەمٸ 5,5%-عا ارتىپ, 4,3 ترلن تەڭگەگە جەتتٸ.
تۇتىنۋشىلىق جەنە يپوتەكالىق نەسيەلەر كٶبەيدٸ
حالىققا بەرٸلگەن نەسيە پورتفەلٸ ماۋسىم ايىندا 1,4%-عا ٶسٸپ, 25,8 ترلن تەڭگەنٸ قۇرادى. جىل باسىنان بەرگٸ ٶسٸم – 4,3%.
ونىڭ ٸشٸندە:
- تۇتىنۋشىلىق نەسيەلەر 1,4%-عا ٶسٸپ, 17,3 ترلن تەڭگەگە جەتتٸ (جىل باسىنان بەرٸ – 3,9%);
- يپوتەكالىق نەسيەلەر 1,8%-عا ارتىپ, 7,4 ترلن تەڭگەنٸ قۇرادى (جىل باسىنان بەرٸ – 7,2%).
پروبلەمالىق نەسيەلەردٸڭ ٷلەسٸ 4,1%
2026 جىلعى 1 شٸلدەدەگٸ جاعداي بويىنشا تٶلەم مەرزٸمٸ 90 كٷننەن اسقان پروبلەمالىق نەسيەلەردٸڭ (NPL90+) ٷلەسٸ بانك سەكتورىنىڭ جالپى نەسيە پورتفەلٸنٸڭ 4,1%-ىن نەمەسە 1,8 ترلن تەڭگەنٸ قۇرادى.
سونىمەن قاتار حالىققا بەرٸلگەن نەسيەلەر پورتفەلٸندەگٸ مەرزٸمٸ ٶتكەن قارىزداردىڭ دەڭگەيٸ 4,8%-عا دەيٸن تٶمەندەپ, كٶلەمٸ 1,2 ترلن تەڭگەنٸ قۇرادى. ال بيزنەس سۋبەكتٸلەرٸنە بەرٸلگەن نەسيەلەر بويىنشا NPL90+ كٶرسەتكٸشٸ 3,8% نەمەسە 604,2 ملرد تەڭگە بولدى.
