قىرعىزستان پرەزيدەنتٸ سادىر جاپاروۆ تەۋەلسٸز جۋرناليست ەلي توقتاقۇنوۆقا ەكٸ ساعاتقا جۋىق سۇحبات بەرٸپ, ەلدٸڭ سىرتقى ساياساتى, ەكونوميكالىق جوبالارى جەنە ٶڭٸرلٸك ىنتىماقتاستىق مەسەلەلەرٸ جٶنٸندە پٸكٸر بٸلدٸرگەن, دەپ حابارلايدى dalanews.kz.
جاپاروۆتىڭ ايتۋىنشا, قىتاي–قىرعىزستان–ٶزبەكستان تەمٸرجولىنىڭ قۇرىلىسىن باستاۋ ٷشٸن ول مەسكەۋگە ارنايى بارىپ, رەسەي پرەزيدەنتٸ ۆلاديمير پۋتينمەن كەلٸسسٶز جٷرگٸزگەن. ونىڭ سٶزٸنشە, قىتاي تاراپى جوبانى جٷزەگە اسىرۋ الدىندا قىرعىزستاننىڭ ۇقشۇ مەن ەاەو اياسىنداعى سەرٸكتەستەرٸنٸڭ قولداۋىن الۋدى ۇسىنعان.
پرەزيدەنتتٸڭ مەلٸمەتٸنشە, پۋتينمەن جەكە كەزدەسۋدە بۇل مەسەلە شامامەن 35–40 مينۋت تالقىلانىپ, نەتيجەسٸندە قولداۋ تابىلعان. قازٸرگٸ جوسپار بويىنشا حالىقارالىق ماڭىزى بار تەمٸرجول قۇرىلىسى 2030 جىلعا دەيٸن اياقتالۋى تيٸس.
جاپاروۆ جاڭا كٶلٸك دەلٸزٸنٸڭ ٶڭٸر ٷشٸن ستراتەگييالىق ماڭىزعا يە ەكەنٸن اتاپ ٶتتٸ. بۇعان دەيٸن قىتايدان ەۋروپاعا باعىتتالعان جٷك تاسىمالىنىڭ باسىم بٶلٸگٸ قازاقستان اۋماعى ارقىلى جٷزەگە اسىپ كەلگەن. ال قىرعىزستان ارقىلى ٶتەتٸن جاڭا باعىت ٸسكە قوسىلسا, جەتكٸزۋ مەرزٸمٸ قىسقارىپ, ترانزيتتٸك مٷمكٸندٸكتەر ارتا تٷسپەك.
سونىمەن قاتار, قىرعىزستان باسشىسى جوبانىڭ جٷزەگە اسۋىنا مٷددەلٸ ەمەس سىرتقى كٷشتەردٸڭ بار ەكەنٸن دە بٸرنەشە رەت اتاپ ٶتكەن. الايدا ولاردىڭ ناقتى كٸم ەكەنٸن اشىپ ايتپادى.
سۇحبات بارىسىندا جۋرناليست پەن پرەزيدەنت كٶپتەگەن مەسەلەلەردٸ اشىق تالقىلاعان. تولىق نۇسقاسى ەلي توقتاقۇنوۆتىڭ YouTube ارناسىندا جارييالانعان.
