بۇل تۋرالى بۇگىنگى ۇكىمەت وتىرىسىندا ۆيسە-پرەمەر رومان سكليار مالىمدەدى. ونىڭ ايتۋىنشا، قازاقستان 2025 جىلى اتوم ەلەكتر ستانسياسىن سالۋعا قاجەتتى تەحنولوگيالار مەن مەردىگەر كومپانيالاردى تاڭداۋ جونىندە شەشىم قابىلدايدى، دەپ Dalanews.kz.
ول كەلەسى جىلى جوبامەن اينالىساتىن كونسورسيۋمعا قاتىسۋشىلارىنا قاتىستى، سونداي-اق جوبالىق قۇجاتتامانى ازىرلەۋ جانە مەردىگەرلەردى تاڭداۋ بويىنشا ماسەلەلەر ايقىندالىپ قالاتىنىن اتاپ ءوتتى.
قازىرگى ۋاقىتتا حالىقارالىق كومپانيالار جوبانىڭ تەحنيكالىق-ەكونوميكالىق نەگىزدەمەسىمەن جۇمىس ىستەۋدە، بۇل شامامەن ءبىر جىل ۋاقىتتى الادى. وسىدان كەيىن جوبالاۋ-سمەتالىق قۇجاتتامانى ازىرلەۋ باستالادى، ول تاعى 1،5 جىلعا سوزىلادى، سودان كەيىن عانا قۇرىلىس جۇمىستارى باستالادى.
بۇعان دەيىن قازاقستان پرەزيدەنتى قاسىم-جومارت توقايەۆ حالىقارالىق سەرىكتەستەرمەن بىرلەسىپ اتوم ەلەكتر ستانسياسىن سالۋ يدەياسىن قولداعان بولاتىن.
