كاسپيي قۇبىر كونسورتسيۋمىنا (كتك) جاسالعان شابۋىلداردان كەيٸن قازاقستان مۇناي ٶندٸرٸسٸن شامامەن 3,5 ملن تونناعا ازايتۋعا مەجبٷر بولدى. سوعان قاراماستان, 2026 جىلعا ارنالعان ٶندٸرٸس جوسپارى 98 ملن توننادان 96 ملن تونناعا دەيٸن عانا تٶمەندەتٸلدٸ. جوسپاردى ورىنداۋ ٷشٸن بيىل مۇناي كەن ورىندارىندا ٶتۋگە تيٸس كەيبٸر ٸرٸ جٶندەۋ جۇمىستارى 2027 جىلعا قالدىرىلدى, دەپ حابارلايدى dalanews.kz.
بۇل تۋرالى ٷكٸمەت وتىرىسىنان كەيٸن ٶتكەن بريفينگتە ەنەرگەتيكا مينيسترٸ ەرلان اقكەنجەنوۆ ايتتى.
مينيستردٸڭ سٶزٸنشە, كتك-عا قاڭتاردا, كەيٸن ماۋسىم-شٸلدە ايلارىندا جاسالعان شابۋىلدار مۇناي ٶندٸرٸسٸنە كەرٸ ەسەر ەتكەن.
باستاپقىدا قازاقستان 2026 جىلى 98 ملن توننا مۇناي ٶندٸرۋدٸ جوسپارلاعان. كەيٸن بۇل كٶرسەتكٸش 96 ملن تونناعا دەيٸن تٶمەندەتٸلدٸ. ياعني جوسپار نەبەرٸ 2 ملن تونناعا قىسقاردى. ال شابۋىلداردان بولعان شىعىن 3,5 ملن تونناعا جەتكەن.
بۇل ايىرماشىلىق جٶندەۋ جۇمىستارىنىڭ كەيٸنگە قالدىرىلۋىمەن تٷسٸندٸرٸلەدٸ. «تەڭٸزشەۆرويل» اكتسيونەرلەرٸ بيىل ٶتكٸزٸلۋگە تيٸس كٷردەلٸ جٶندەۋدٸ 2027 جىلعا اۋىستىرعان. قاشاعان كەن ورنىن يگەرەتٸن NCOC كومپانيياسىنىڭ كەيبٸر جٶندەۋ جۇمىستارى دا كەلەسٸ جىلعا شەگەرٸلدٸ.
"بۇل بٸزگە ٶندٸرٸس كٶلەمٸن ساقتاۋعا مٷمكٸندٸك بەردٸ", - دەدٸ ەرلان اقكەنجەنوۆ.
ياعني جٶندەۋ كەزٸندە مۇناي ٶندٸرۋ ۋاقىتشا ازايۋى كەرەك ەدٸ. جۇمىستار كەيٸنگە قالعاندىقتان, كەن ورىندارى بيىل مۇناي ٶندٸرۋدٸ جالعاستىرا بەرەدٸ. وسى ارقىلى كتك-داعى شابۋىلداردان بولعان شىعىننىڭ بٸر بٶلٸگٸن ٶتەۋ جوسپارلانعان.
كتك قازاقستان مۇنايىن شەتەلگە تاسىمالدايتىن نەگٸزگٸ باعىت بولىپ قالا بەرەدٸ. باكۋ–تبيليسي–جەيحان قۇبىرى بالاما جول رەتٸندە پايدالانىلىپ جاتقانىمەن, ول ارقىلى تاسىمالداناتىن مۇناي كٶلەمٸ ەلدەقايدا از.
2026 جىلى "قازمۇنايگاز" وسى باعىتتاعى ەكسپورتتى 31 پايىزعا ارتتىرىپ, 1,7 ملن تونناعا جەتكٸزۋدٸ جوسپارلاپ وتىر. 2025 جىلى بۇل قۇبىر ارقىلى 1,3 ملن توننا مۇناي تاسىمالدانعان.
وسىلايشا, قازاقستان كتك-داعى قيىندىقتاردىڭ ورنىن ەزٸرگە جاڭا قۇبىر ارقىلى ەمەس, كەن ورىندارىنداعى جٶندەۋ جۇمىستارىن كەيٸنگە قالدىرۋ ارقىلى تولتىرماق.
