بۇگىن ەلوردادا ەكسترەميزم مەن تەرروريزمنىڭ الدىن الۋ جانە ونىڭ جولىن كەسۋ ماسەلەلەرىنە ارنالعان دوڭگەلەك ۇستەل وتىرىسى بارىسىندا «بولاتحان تايجان» قورىنىڭ پرەزيدەنتى مۇحتار تايجان ارىپتەستەرىن قازاق تىلىندە سويلەۋگە شاقىردى.

«بۇگىن - 22 قىركۇيەك. ءدال وسىدان 27 جىل بۇرىن «ءتىل تۋرالى» زاڭ قابىلداندى. وسىندا وتىرعان ءبارىمىز پاتريوتتىق جايىندا ايتىپ جاتىرمىز. ول دۇرىس، قۇپتايمىز. ءبىراق، ءبىز وزىمىزدەن باستاپ مەملەكەتتىك تىلگە قۇرمەت كورسەتپەسەك، وندا بىزگە قالاي سەنىم ارتىلماق؟ ءبىز ۇلگى كورسەتۋگە ءتيىس ەمەسپىز بە، اعايىن؟ ارينە، قازاق ءتىلىن بىلمەيتىندەرگە ەش ايىپ جوق. ورىسشا تۇسىنەمىز. الايدا، قازاقشا بىلەتىندەر قازاقشا سويلەسەيىكشى. ەلوردانىڭ، قازاق ەلىنىڭ استاناسىنىڭ تورىندە وتىرمىز. ۇلكەن دەڭگەيدەگى جيىن وتۋدە. نەگە ءوزىمىزدىڭ مەملەكەتتىك تىلىمىزدە سويلەمەيمىز؟»، - دەدى ول دوڭگەلەك ۇستەلگە قاتىسۋشىلارعا قاراتا.

دەرەككوزى: inform.kz