«قازاقمىس كورپوراتسيياسى» جشس باسقارما تٶراعاسى رۋسلان ٶسكەنەلٸ جۇمىس ساپارى بارىسىندا جەزقازعانداعى بٸرقاتار ەلەۋمەتتٸك ماڭىزى بار نىسانداردى ارالاپ, ولاردىڭ ٸسكە اسىرىلۋ بارىسىمەن تانىستى, دەپ حابارلايدى dalanews.kz.
باعدارلامانىڭ نەگٸزگٸ تارماقتارىنىڭ بٸرٸ – «NAMYS» بالالار مەن جاسٶسپٸرٸمدەر سپورت اكادەميياسى بولدى. قۇنى 8,1 ملرد تەڭگەنٸ قۇرايتىن جوبا 5 مىڭ شارشى مەتردەن استام اۋماقتا 150-200 تەربيەلەنۋشٸگە ارنالعان زاماناۋي سپورت كەشەنٸن سالۋدى كٶزدەيدٸ. مۇندا ۇلىتاۋ وبلىسىنىڭ قالالارى مەن اۋداندارىنان كەلگەن بالالار ٷشٸن ساپالى بٸلٸم بەرۋ مەن كەسٸبي سپورتتىق دايارلىقتى ۇشتاستىرۋعا جاعداي جاسالادى.
«NAMYS» سك» قورى جەزقازعان ٶڭٸرٸندە 2019 جىلدان بەرٸ جۇمىس ٸستەپ كەلەدٸ. وسى ۋاقىت ٸشٸندە ونىڭ ٷيٸرمەلەرٸندە 3 مىڭنان استام بالا سپورتپەن شۇعىلداندى. ال بٷگٸندە 700-دەن استام جاس سپورتشى تۇراقتى تٷردە ەرتٷرلٸ سپورت تٷرٸمەن اينالىسادى. اكادەمييانىڭ اشىلۋى بيىل قىركٷيەك ايىنا جوسپارلانعان.
سونىمەن قاتار رۋسلان ٶسكەنەلٸ كەڭگٸر سۋ قويماسى بويىنداعى جاعالاۋ قۇرىلىسى جوباسىمەن تانىستى. قۇنى شامامەن 3,4 ملرد تەڭگە بولاتىن جاڭا قوعامدىق نىساننىڭ ەكٸنشٸ كەزەڭٸ ۇلىتاۋ وبلىسى ەكٸمدٸگٸ مەن «قازاقمىس كورپوراتسيياسى» جشس اراسىنداعى مەموراندۋم اياسىندا ٸسكە اسىرىلۋدا. وبلىستىق مەشٸتپەن بٸرگە بۇل جاعالاۋ دەمالىس, سەرۋەندەۋ جەنە مەدەني ٸس-شارالار ٶتكٸزۋگە ارنالعان زاماناۋي قوعامدىق كەڭٸستٸكتٸ قالىپتاستىرادى.
نىسانداردى ارالاۋ قورىتىندىسى بويىنشا رۋسلان ٶسكەنەلٸ ٶڭٸردٸڭ دامۋى مەن حالىقتىڭ ٶمٸر سٷرۋ ساپاسىن ارتتىرۋعا باعىتتالعان بارلىق جوبالاردىڭ ساپالى جەنە بەلگٸلەنگەن مەرزٸمدە ورىندالۋىنىڭ ماڭىزىن اتاپ ٶتتٸ.
«قازاقمىس» كورپوراتسيياسىندا ەلەۋمەتتٸك مٸندەتتەمەلەردٸ ورىنداۋ جەنە ٶزٸنە قاتىسى بار ٶڭٸرلەردٸ دامىتۋ كومپانييانىڭ نەگٸزگٸ باسىمدىقتارىنىڭ بٸرٸ بولىپ قالا بەرەتٸنٸ اتاپ ٶتٸلدٸ. ٶندٸرٸستٸك جوبالارمەن قاتار كومپانييا سپورت, مەدەنيەت, بٸلٸم بەرۋ جەنە قوعامدىق ينفراقۇرىلىم نىساندارىن سالۋعا جٷيەلٸ تٷردە ينۆەستيتسييا قۇيىپ, ۇلىتاۋ وبلىسىنىڭ تۇراقتى دامۋىنا ٷلەس قوسۋدا.
