«قازاقمىس» كورپوراتسيياسىنىڭ باسقارما تٶراعاسى رۋسلان ٶسكەنەلٸنٸڭ قىتايعا جۇمىس ساپارى قىتايلىق ٸرٸ ينجينيرينگتٸك جەنە تەحنولوگييالىق كومپانييالارى – ENFI جەنە TCC CNCEC باسشىلارىمەن جٷرگٸزٸلگەن كەلٸسسٶزبەن جالعاستى, دەپ حابارلايدى dalanews.kz.
كەزدەسۋدٸڭ نەگٸزگٸ تاقىرىبى جەزقازعاندا جاڭا كٷكٸرت قىشقىلى تسەحىن سالۋ جوباسى اياسىندا ىنتىماقتاستىق ورناتۋ مٷمكٸندٸگٸ, سونداي-اق مەتاللۋرگييالىق ٶندٸرٸس سالاسىنا ارنالعان زاماناۋي ينجەنەرلٸك جەنە تەحنولوگييالىق شەشٸمدەردٸ زەرتتەۋ بولدى.
ENFI تٷستٸ مەتاللۋرگييا سالاسىنداعى قىتايدىڭ جەتەكشٸ ينجينيرينگتٸك ورتالىقتارىنىڭ بٸرٸ بولىپ تابىلادى جەنە حالىقارالىق MetMining تاۋ-كەن-مەتاللۋرگييالىق توبىنىڭ ەنشٸلەس قۇرىلىمىنا كٸرەدٸ. كومپانييا قىتايداعى زاماناۋي مىس بالقىتۋ كەسٸپورىندارىنىڭ 50%-دان استامىنىڭ جوبالاۋ جۇمىسىنا قاتىسقان.
ٸسساپار باعدارلاماسىنىڭ تاعى بٸر تارماعى اۋقىمدى ٶنەركەسٸپتٸك جەنە حيمييالىق جوبالاردى ٸسكە اسىرۋعا ماماندانعان قىتايلىق TCC CNCEC ينجينيرينگتٸك-قۇرىلىس كومپانيياسىمەن ٶتكەن كەلٸسسٶز بولدى.
كەزدەسۋ قورىتىندىسىندا قول جەتكٸزٸلگەن كەلٸسٸمدەر مەن تەجٸريبە الماسۋ «قازاقمىس» كورپوراتسيياسى ٷشٸن تەحنولوگييالىق ىنتىماقتاستىقتى دامىتۋعا, زاماناۋي ينجەنەرلٸك شەشٸمدەردٸ زەردەلەۋگە, سونداي-اق ٶندٸرٸستٸك اكتيۆتەردٸ جاڭعىرتۋ جەنە تيٸمدٸلٸگٸن ارتتىرۋعا باعىتتالعان ىقتيمال بٸرلەسكەن جوبالاردى پىسىقتاۋعا بەرٸك نەگٸز قالىپتاستىرعانى اتالىپ ٶتتٸ.
