«قازاقمىس كورپوراتسيياسى» جشس-نىڭ «يتاۋىز» شاحتاسىندا جاڭا جەلدەتۋ جٷيەسٸ پايدالانۋعا بەرٸلدٸ. ول ٶنەركەسٸپتٸك قاۋٸپسٸزدٸك دەڭگەيٸن ارتتىرۋعا جەنە جەراستى قازبالارىنداعى ەڭبەك جاعدايىن جاقسارتۋعا مٷمكٸندٸك بەرەدٸ, دەپ حابارلايدى dalanews.kz.
جوبانى ٸسكە اسىرۋ ٷشٸن بيٸكتٸگٸ 180 مەتر بولاتىن جەلدەتۋگە ارنالعان تٸك وقپان قازىلدى. جۇمىس بيىل سەۋٸر ايىندا اياقتالدى.
مامىر ايىندا شاحتانىڭ ٷستٸنە نەمٸستەر ٶندٸرگەن Korfmann AL 17-2500 ٷلگٸسٸندەگٸ ەكٸ وستٸك جەلدەتكٸشٸ ورناتىلدى. جاڭا جەلدەتۋ جٷيەسٸ سەكۋندىنا 150 تەكشە مەترگە دەيٸن اۋا ٶتكٸزە الادى. بۇل جەراستى قاباتىنىڭ تۇراقتى ەرٸ تيٸمدٸ جەلدەتٸلۋٸن قامتاماسىز ەتەدٸ.
جوبا كومپانييانىڭ جەراستى كەنٸشتەرٸندەگٸ جەلدەتۋ ينفراقۇرىلىمىن دامىتۋعا باعىتتالعان جٷيەلٸ جۇمىسىنىڭ بٸر بٶلٸگٸ بولىپ تابىلادى. وسىعان ۇقساس جٷيە بۇعان دەيٸن «جومارت» كەنٸشٸندە ٸسكە قوسىلعان بولاتىن. وندا ورناتىلعان جابدىق 600 مەتردەن استام تەرەڭدٸكتەگٸ تاۋ-كەن قازبالارىن جەلدەتۋدٸ قامتاماسىز ەتەدٸ.
«جومارت» كەنٸشٸندە جەلدەتۋگە ارنالعان تاعى بٸر تٸك وقپاننىڭ قۇرىلىسى جالعاسۋدا. جۇمىس اياقتالعاننان كەيٸن جەلدەتۋ جٷيەسٸنٸڭ مٷمكٸندٸگٸ كەڭەيەدٸ. بۇل تاۋ-كەن جۇمىسىن جٷرگٸزۋ كەزٸندە قاۋٸپسٸزدٸك دەڭگەيٸن ارتتىرىپ, ٶندٸرٸستٸڭ تيٸمدٸلٸگٸن جاقسارتۋعا ىقپال ەتەدٸ.
جەلدەتۋ ينفراقۇرىلىمىن دامىتۋ 2026 جىلى «قازاقمىستا» جارييالانعان قاۋٸپسٸزدٸك جىلى اياسىنداعى جۇمىستىڭ نەگٸزگٸ باعىتتارىنىڭ بٸرٸ بولىپ تابىلادى. وسىنداي جوبالاردى جٷزەگە اسىرۋ ٶندٸرٸستٸك تەۋەكەلدەردٸ ازايتۋعا, كەنشٸلەردٸڭ ەڭبەك جاعدايىن جاقسارتۋعا جەنە جەر استىنداعى ٶندٸرٸستٸك نىسانداردىڭ تۇراقتى جۇمىسىن قامتاماسىز ەتۋگە سەپتٸگٸن تيگٸزەدٸ.
