«قازاقمىس» كورپوراسياسىنىڭ بۇرىنعى قىزمەتكەرى، حيميالىق زەرتحانالار باسقارماسىنىڭ ەكس-باسشىسى باق-تا مالىمدەمە جاساعان سوڭ، كومپانيا وكىلى ونى جاۋاپقا تارتۋدى تالاپ ەتكەن، دەپ حابارلايدى Dalanews.kz.
«تەمىرتاۋ پوليسياسىنان حابارلاسىپ، «قازاقمىستىڭ» ارىزى بار ەكەنىن، ونىڭ استاناعا جولداناتىنىن ايتتى. ءماجىلىس دەپۋتاتى پەرۋاشيەۆتىڭ مالىمدەمەسىنەن كەيىن «قازاقمىس» ماعان قارسى ارىز بەرۋگە ءماجبۇر بولدى»، – دەدى كازتاگ تىلشىسىنە باقىت ءادىلوۆا.
«قازاقمىس» بۇرىنعى قىزمەتكەرىن كورپوراسيا تۋرالى اقپارات تاراتقانى ءۇشىن اكىمشىلىك جاۋاپكەرشىلىككە تارتۋدى سۇراۋدا. كومپانيا وكىلى بۇل اقپاراتتى «جالعان» دەپ اتاعان.
كازتاگ ءتىلشىسى قاراعاندى وبلىسىنىڭ پوليسيا دەپارتامەنتىنەن باقىت ءادىلوۆاعا قاتىستى ارىزدىڭ قابىلدانعان-قابىلدانباعانىن سۇرادى. الايدا دەپارتامەنت بۇل سۇراققا جاۋاپ بەرگەن جوق.
سونداي-اق كازتاگ «قازاقمىستىڭ» باسپا ءسوز قىزمەتىنەن بۇرىنعى قىزمەتكەرىنە قاتىستى ناقتى قانداي شاعىمدار بار ەكەنىن سۇرادى. كومپانيا وكىلدەرى بۇل ماسەلە بويىنشا كورپوراسيا كەڭسەسىنە رەسمي سۇرانىس جولداۋدى ۇسىندى. ءتيىستى سۇرانىس جىبەرىلدى.
بۇعان دەيىن ءماجىلىس دەپۋتاتى ازات پەرۋاشيەۆ «قازاقمىستىڭ» قىزمەتىنە قاتىستى دەپۋتاتتىق ساۋال جولداپ، ءىرى جەر قويناۋىن پايدالانۋشىلاردىڭ «سيرەك جەر مەتالدارىنا كۇماندى كوزقاراسىنا» نازار اۋدارعان بولاتىن. ول بۇرىنعى «قازاقمىس» قىزمەتكەرىنىڭ سوزىنە سۇيەنە وتىرىپ، كەن مەن مىس كونسەنتراتىن شەتەلگە تاسىمالداۋ ماسەلەسىن كوتەردى. الايدا باقىت ءادىلوۆا «قازاقمىس» سيرەك جەر مەتالدارىن شەتەلگە شىعارادى دەپ ەشقاشان ايتپاعانىن مالىمدەدى.
دەپۋتاتتىق ساۋالدا پەرۋاشيەۆ، سونىمەن قاتار، قازاقستاننان شىعارىلاتىن كەن مەن كونسەنتراتتارعا ساراپتاما جۇرگىزۋ تالاپتارىنىڭ بار-جوعىن ناقتىلاۋدى سۇرادى. ەگەر مۇنداي تالاپتار بولماسا، وندا جالعان اقپارات تاراتىپ، كومپانيالار مەن سالانىڭ بەدەلىنە نۇقسان كەلتىرگەندەرگە قارسى سوتقا شاعىم ءتۇسىرۋ قاجەت ەكەنىن ايتتى.
كوپ ۇزاماي «قازاقمىستىڭ» بۇرىنعى قىزمەتكەرى باقىت ءادىلوۆاعا قاتىستى پوليسياعا ارىز تۇسكەنى بەلگىلى بولدى. دەپۋتات ساۋالىندا سىلتەمە جاساعان تۇلعا ەندى قۇقىق قورعاۋ ورگاندارىنىڭ نازارىنا ىلىكتى.
