«قازاقمىس كورپوراسياسى» ج ش س باسشىلىعى Q.I. Satbaev atyndagy Jezqazgan tau-ken ondirisi «جومارت» جانە «جىلاندى» كەنىشتەرىنىڭ ۇجىمىمەن جۇمىس كەزدەسۋىن وتكىزدى، دەپ حابارلايدى Dalanews.kz.

كەزدەسۋدە ونەركاسىپتىك قاۋىپسىزدىك، جاڭعىرتۋ جانە ينۆەستيسيالىق باعدارلامانى جۇزەگە اسىرۋ ماسەلەلەرى نەگىزگى تاقىرىپ رەتىندە تالقىلانىپ، ەڭبەكتى قورعاۋ ماسەلەسىنە ەرەكشە نازار اۋدارىلدى.

جۇمىسكەرلەرگە ونەركاسىپتىك قاۋىپسىزدىك پەن ەڭبەكتى قورعاۋ تالاپتارىن ساقتاۋ ەڭبەك وتىلىنە قاراماستان بارلىق قىزمەتكەرلەر ءۇشىن مىندەتتى ەكەنى ەسكەرتىلدى. وقجەق نورمالارىن ساقتاۋ ادام ءومىرى مەن دەنساۋلىعىن قورعاۋدىڭ نەگىزگى شارتى دەپ كورسەتىلدى.

كومپانيا وزىنە العان الەۋمەتتىك مىندەتتەمەلەردى ورىنداپ، ينۆەستيسيالىق باعدارلامالاردى ىسكە اسىرىپ جاتىر. قاراجات گەولوگيالىق بارلاۋعا، تاۋ-كەن شاحتالىق تەحنيكا پاركىن جاڭارتۋعا جانە جاڭا نىساندار سالۋعا باعىتتالۋدا. بۇل «جومارت» كەنىشىنىڭ جۇمىسىن تۇراقتاندىرۋعا جانە «جىلاندى» كەنىشىنىڭ وندىرىستىك قۋاتىن ارتتىرۋعا مۇمكىندىك بەرەدى.

«جىلاندى» كەنىشى اۋماعىنداعى «باتىس سارىوبا» شاحتاسىندا كۇردەلى تاۋ-كەن جۇمىسىن جۇرگىزۋ جوسپارلانعان. جەلدەتۋدى قامتاماسىز ەتۋ ءۇشىن شاحتا وقپاندارىن جابدىقتاۋ، كونۆەيەرلىك جەلى سالۋ جانە جەرۇستى ينفراقۇرىلىمىن دامىتۋ كوزدەلگەن. 2029 جىلعا دەيىن كەنىشتىڭ وندىرىستىك قۋاتىن جىلىنا 3 ملن توننادان 5،4 ملن توننا كەن وندىرۋگە دەيىن كەزەڭ-كەزەڭىمەن ارتتىرۋ جوسپارلانۋدا.

«جومارت» كەنىشىندە ءۇشىنشى جەلدەتۋ وقپانىنىڭ قۇرىلىسى باستالدى. نىساندى پايدالانۋعا بەرۋ 2027 جىلدىڭ ءبىرىنشى توقسانىنا جوسپارلانعان. سونداي-اق كەن ورنىنىڭ باتىس جانە شىعىس قاپتالدارىندا گەولوگيالىق بارلاۋ جۇمىسىن جۇرگىزۋ كوزدەلىپ وتىر.

2026 جىلى جەزقازعان وڭىرىندە كەن قورىن ناقتىلاۋ جانە ونى ارتتىرۋ ماقساتىندا 73 645 قۋما مەتر اۋماققا گەولوگيالىق بارلاۋ جۇمىسىن جۇرگىزىلەدى. كۇتىلەتىن ءوسىم 5،38 ملن توننا كەندى قۇرايدى.

كەزدەسۋ بارىسىندا جۇمىسكەرلەر قوسالقى بولشەكتەرمەن جانە رەزەرۆتىك تەحنيكامەن قامتاماسىز ەتۋ، قوسالقى بولشەكتەردىڭ ساپاسى جانە جوندەۋ جۇمىسىن ۇيىمداستىرۋ ماسەلەلەرىن كوتەردى. «جومارت» جانە «جىلاندى» كەنىشتەرىندە جوندەۋ بريگادالارىن كۇشەيتۋ باسىم باعىت رەتىندە ايقىندالدى. قوسالقى بولشەكتەردىڭ ساپاسى تۇراقتى باقىلاۋعا الىندى.

سونىمەن قاتار جەراستى اۆتوبۋستارىن ءتيىمدى پايدالانۋ جانە وزدىگىنەن جۇرەتىن تەحنيكاعا ۇقىپتى قاراۋ ماسەلەلەرى تالقىلاندى. «جومارت» كەنىشىنىڭ جاتاقحاناسىنداعى ورىن تاپشىلىعى ماسەلەسى جەكە قارالدى.