قازاقمىس جامبىل وبلىسىنداعى 250 وتباسىعا كومەك كورسەتتى، دەپ حابارلايدى Dalanews.kz.
قازاقمىس وزىنە قاتىسى بار وڭىرلەردە الەۋمەتتىك باستامالاردى جۇزەگە اسىرۋدى جالعاستىرۋدا. شۋ اۋدانىنداعى كوكقاينار، شوقپار، بىرلىك، بىرلىكۇستەم جانە قونايەۆ اۋىلدارىندا قايىرىمدىلىق اكسياسى ءوتتى. الەۋمەتتىك تۇرعىدان وسال توپتارعا ازىق-تۇلىك سەبەتى تابىستالدى. وسىلايشا ءاربىر ەلدى مەكەندەگى 50 وتباسىعا كومەك كورسەتىلىپ، جالپى اكسيا 250 وتباسىنى قامتىدى.
يگى باستاما مەرەكە كۇندەرى اتاۋلى الەۋمەتتىك كومەك كورسەتۋگە جانە الەۋمەتتىك جاۋاپكەرشىلىك پەن ءوزارا قولداۋ قۇندىلىقتارىن نىعايتۋعا باعىتتالدى.
